سهر الليالي ....قصيده بقلم الشاعر زغلول الطواب

لو سهر الليالى
يرجعك
أسهر العمر كله
أناجيك
ولو شكوتى للقمر
توصلك
أشكيله بحرارة أشواقى
ليك
ولو تفكيرى طوال الوقت
يفكرك
أفكر كل لحظه من عمرى
فيك
أسهر الليل من أوله
لآخره بخيالى
أناجيك
حبيبى تعالى
كفايه بعاد
أنا دوبنى الشوق
ليك
ولو غاب القمر
عنى ليله
أندهله
عشان أشكيك
ليه أنا أسهر لوحدى
وإنت عنى بعيد
نفسى أسهر معاك
وأدوق طعم لياليك
ولو مرت ثانيه
من عمرى
إنشغلت فيها عنك
أرجع بعمرى تانى
أفكر فيك
وأسهر من تانى
الليالى
وأسكن جنب القمر
وأشكيله حالى
وأجند خيالى وقلبى
وكل إحساسى
ومشاعرى ليك
حتى دموع عنيا
ما تنشف ولو لثانيه
إلا لما ترجع ليا
وأفرح أنا وقلبى
بيك
وأنسى عذابى
وألآمى
والعمر إللى ضاع
منى
وإنت عنى بعيد
أسكنك حضنى
وأدفيك
بلهيب نار أشواقى
ليك
أشيلك جوه الننى
وبرموشى أغطيك
إرجع حبيبى
أنا بنار شوقى
مستنيك