جراب الحاوي...بقلم مصطفى محمود أبو إبراهيم

عاوزين جراب ياحاوى
يكون فيه العبر
يعمل طبيب مداوى
للقلب اللى إتحسر
عاوزين جراب ياخدنا
يرجع فينا أملنا
والحب اللى هاجرنا
والشعب اللى أتقسم
عاوزين جراب يحاكم
كل اللى كان ظالم
دا ربك اللى عالم
بشعب إنظلم
عاوزين جراب ياحاوى
يكون للفرح ناوى
وفى مصر كتيرتقاوى
لكل بذر غاوى
يعيد اللى إنهزم
عاوزين جراب لفكره
تجيب معاها بكره
أجيال بتحيى ثوره
ويروح الألم
عاوزين جراب جديد
على مصر يكون سعيد
والعدل يكون أكيد
مابيفرق فى الأمم
تقدر تجيب ياحاوى
جراب مايكنش ناوى
يسرق فينا الحرامى
وتكتر الرشاوى
وشباب على القهاوى
شاردين ملهمش داعى
الا دمعة ألم
رد عليا الحاوى
راح يعمل إيه جرابى
وتعمل إيه العابى
أن كنت فعلاً ناوى
أستكمل ثورتك
ورينى همتك
ومصر السنادى
تصبح قبلتك
وأنسى شكوتك
وقول يارب بلدى
تنول محبتك ؟؟؟