أمسك ياعسكر حرامى

بقلم : مصطفى محمود ابو ابراهيم
امسك يا عسكر حرامي
ودا كمان نشال
بيسرق الحريه
ونفسه نصبح عال
نفذ أوامر سيادك
بالضرب بالعصيان
وزيد إنته وخلى
الضرب فى المليان
غمى عنيك ياريت
أضرب بأيد حيوان
أوعاك تفرق فى مره
بين راجل ولا نسوان
وإضرب بلا قلب
وإقتل بسرعه كمان
الثورة لازم تموت
والأمر لازم يبان
مبارك الكلب موجود
فى صورة كل جبان
اسم الله عليك
ياجيش أوطانى
شارك بالمظلات
فى قتل إخوانى
شوفى يا إسرائيل
وإفرحى فينا
مجلس عساكر البلد
ناوى يصفينا
معقول ياثورة يناير
هنتِ علينا
يالا ياكل الشباب
هاتوا أمانينا
دى مصر فى الانتظار
تبكى على عنينا
راحت عيون حريه
صبحت ياناس عاميه
فينك يا جنزوى
ورد ساكت ليه
الدنيا برد عليك
تمسك حكومة ليه
فين رجالك يامصر
ليه كده ساكتين
هاربين من الميدان
ولا مش داريين
عاوزين رجال أحرار
ويكونو مصريين
الصفحه تكون بيضه
مايكنش كدابيين