اجدع سلام للانبوبه

بقلم : مصطفى محمود أبو إبراهيم
أجدع سلام للأنبوبه
فتوة السوق السودا
طالعه ولا أحسن موضه
تملى ظالمه ومظلومه
من بعد قتل وابور الجاز
وكانون بدائى بدل الغاز
صبحتى إنتى المطلوبه
وأجدع سلام للأنبوبه
قوليلى مين مخبيكى
ومين قاصده يداريكى
صبحتى سيرة كل الناس
والشعب كله يحيكى
ويقول بجد وحشتينا
محتاج رضاكى ياأميره
السر فين دلينه
معقول بنصدر الغاز
ونبكى علشان أنبوبه
صرخنا قولنا حريه
وثوره قامت ياعنيا
شغلونا بيكى ياصبيه
وأجدع سلام يالهلوبه
ياغاليه فى السوق السودا
من بعد سعر الخمسه جنيه
صبح السعر مصيبه
وكل السلام للانبوبه