إحنا أصحاب البلد من الجد للولد

إحنا أصحاب البلد
من الجد للولد
غصب عن العمده وشيخ البلد
وغصب عن أى حد
ولازم تعرف يا ولد
مش مهم العموديه
المهم إللى يخاف على البلد
لازم تبقى قديها
تعمر وتزرع أراضيها
وبالعرق ترويها
وتحب ناسها وأهاليها
ساعتها تبقى أجدع ولد
لازم نحافظ عليها
ونحمى حدود أراضيها
ونتصدى لأى غريب طمعان فيها
تبقى بلدنا أحسن بلد
الأرض خيرها كتير لو نراعيها
لو فيه ضمير فى لم المحصول
وتوزع بعدل بين البنت والولد
مش هيبات جعان فيها
والكل هيبقى مبسوط ويحب البلد
مش لازم نبنى قصور ونعيش فيها
وغيرنا مش لاقى عشه فى البلد
هو إحنا هندخل القبور ونعمر فيها
كل الحكايه مش محتاجه روايه
كلها كام يوم الدود يخلص علينا
ولا هيبقى فينا لحم ولا غدد
آه لو نعرف يوم الحساب
وربنا قد أيه شديد العقاب
كنا قبل ما نخطى خطوه
نعمل للخطوه ألف حساب
ونخاف على بعض
ولا كان فيه بينا خصام ولا عتب
البركه تحل علينا
وخير بلدنا يكفينا
ونبقى بين البلاد أحسن بلد