احنا مش بلطجيه

احنا مش البلطجيه
احنا شعب مصرى صامد
شعب ساكت بس حامد
شعب جامد ميه ميه
احنا مش البلطجيه
كنتو فين والظلم فينا
كلو كان واقف علينا
والرصاص للناس هديه
احنا مش البلطجيه
مضروبين من يوم ميلادنا
صادرو الرعب لولادنا
واحنا مش نقصين ازيه
احنا مش البلطجيه
هو لو كنتو انت موتو
ولا ليكو عاهه برضو
كنتو مش يبقالكو ديه
احنا مش البلطجيه
دمنا كان ليه فطيس
بعتو فينا بالرخيص
خليتو الراجل وليه
احنا مش البلطجيه
ردنا مش عنف خالص
شوفو تزوير المجالس
هو ليه مفيش حد حاسس
ان ثورتنا سلميه
يبقى مين البلطجيه
مصر ياما يا بهيه
خربوكى البلطجيه
كنتى لابسه طرحه خضرا
قلعوكى الجلابيه
فينك انتى يا بهيه
مرمطوكى الحراميه
قومنا فيكى عملنا ثوره
اكلونا مهلبيه
والقواضى فبركوها
والادله بيطمسوها
والشهاده بيخربوها
يبقى فين هى القضيه
مصر يا اما يا بهيه
قولى مين البلطجيه
وعجبى
معقول يا مصر
ف كل دول مفهمش حد بيعشقك
معقول اصدق ان لسه فيه كتير
بيهد فيكى ويحرقك
معقوله لسه فيكى ناس
تنهب ف خيرك تسرقك
معقول يا مصر
انا مش مصدق ؟
لو قلتى ليا هصدقك
عارفه يا مصر انا مش جبان
ولا كنت بتمنا الرضا
ولا كنت واقف ع البيبان
انا بس نفسى اروقك
انا نفسى انك ترجعى
ووبايدى دى اطوقك
انا نفسى انك تسمعى
ولا عمرى كنت هغرقك
ندرا عليا لو جتينى بطرحتك
لامد ايدى وازوقك
بحبك
كابتن احمد
كابتن احمد
ممكن شير لو سمحتم
اشكركم