عفوا لقد نفذ رصيدكم

بقلم ريهام التفاهنى
فرحنا قوى لما اتذاع بيان وقلنا حامينا فارس ومش جبان وخدناهم بالاحضان بفرحه النصر واحنا واقفين فى الميدان كنا عارفين ان حبيبنا الغالى عيونا ماهتنام الا لما نعيش فى سلام. مش هو ده كان الكلام؟ ولا كان حلم من الاحلام؟ هو كان الحلم ثوره ناجحه نقطه واضحه عيشه صالحه تنقلنا لبر الامان. بجد رجاله بجد جدعان بس اللى حصل وبيحصل محدش لاقيله تفسير ولا حتى فى كتب كبير الجان
فتنه طائفيه ,بلطجه, جموع عشوائيه مفيش مطالب بس فى غوغائيه . هو مفيش عقاب ليه . عارفين فى ايه فى ايه اشاعات مصر هتجوع . مفيش مخزون . ده احنا بناكل من لحم الحى .ونسينا ان الحى عمره ماهينسانا اصل بلدنا ده بركه ومبروكه بتتسرق ولسا على الخريطه محطوطه
سالنا نفسنا كتير هى الناس دى ساكته ليه؟ ماتحاكمو اللى سرقونا وموتونا وفى معتقلاتهم عذبونا حاكموهم قبل مايطيرو الفلوس على بره ويسيبونا ويبقى الشعب المصرى خد اكبر صابونه.
محدش بيعبرنا ليه قبل مالطاغوت يتكام فى قناه العربيه الناس كانت هتموت هو فين مش بيتحاكم ليه. هو يعنى كان لازم ننزل التحرير ونعمل محاكمه شعبيه ويضرب فينا احزاب البلطجيه
ييجى اللى نفسه متسلطه عليه يقول خطاب يقلب الدنيا عليه ويتجاب من قفاه على نقاله مش على رجليه وقلبى قلبى قلبى وغرفه 309 ترحب بالسيد المخلوع
تظهرفلول واذناب وكنايس بتولع واضرحه بتتكسر
وناس واقفه عند ماسبيرو بيمضو توكيلات وناس عاملين واقفه عاوزين يحرروا اخواتهن المسلمات وناس جايبه تورطه ومولعه شمعه وبيقولو احنا اسفين ياريس . اسفين على ايه . خدت كام يامنتصر عشان تحيي ابو الفصاد
وناس راحت تحرر القدس وناس محسيتش بالتغيير فمن تانى هينزلو التحرير
واستدعو الهانم بس عوده لمسلسل قلبى قلبى قلبى غرفه 308 ترحب بحرم المخلوع وفكرو نعمل ايه فى الشعب العنيد قالو نعمل مصالحه وهما عارفين ان قلبنا كبير وهنسامحهم ومقابل ده هيتكرمو علينا ويدونا فلوسنا اللى سرقوها . دى فلوسنا ياحراميه
مصالحه ايه ومصالحه مع مين ؟مع اللى حرق اهالينا فى القطرات ولا مع اللى غرق ولادنا فى العبارات . عباره كده من اللى بيغرقوا دول يامخلوع وتانى يوم كنت فى ماتش كره نتصالح مع اللى اد امر بقتل ناس مسالمه بتقول عاوزين نعيش بحريه وملقين بيدج وبيهتفو سلميه سلميه ولا على اللى ادهسو بالعربيات الدبلوماسيه . احنا اسفين بجد اسفين اننا سكتنا كل ده محاكمتك قبل فلوسنا
اخر نداء من الشعب المصرى للمنوط اليهم الامر
احذرو من شعب رفع رايه العصيان . احذروا قبل ان ترفع لكم لافته عفوا ايها المسئولون لقد نفذ رصيدكم يرجى عدم شحن البطاقه لانكم اصبحتم كارت محروق