حال القلوب

أشتكت القلوب وقلت أنا الآه
ملتها القسيه بالألم يا الله
طوفت على كل قلب أشوف ايه جواه
بانده ومش بأسمع من الندا غير صداه
*************
لقيت قلوب السواد يملاها
ولقيت قلوب من بره قاسيه وحلوه من جواها
ولقيت قلوب كتر القسّيه كسراها
ولقيت قلوب وحيده الغدر رماها
******************
و قلوب زى الديابه عايزه تنهش فيك
وقلوب بوداعتها وحبها تناديك
وقلوب تايهه مش عارفه من جواها ترضيك
وقلوب حزينه لكن بعمرها تفديك
*****************
مين يقولى تاهت القلوب ليه؟؟
وقسيت وأستباحت كل شىء كده ليه؟؟
والحب أختفى من الوجود ولا ايه؟؟
اذا كان كده يبقى يا دنيا باقيه ليه؟؟
********************
ليه كل واحد ما بقاش يقول غير أنا؟
واللى يعمل جميل يذل بيه سنه
واللى اتعمل فيه الجميل ما يشكر ربنا
حبوا ده الحب ما لناش عنه غنى
*****************
دورت على قلب الحب ماليه
اللى بيرسم الحنان وهو مش فيه
واللى عاوز له قلب يتسلى بيه
واللى مش بيرد مهما تنده عليه
*******************
يارب سبحانك انت علام الغيوب
وتعلم بعلمك ما تخفيه القلوب
طمعانه تهدينى وتنقي قلبى من الذنوب
وتحفظنى من شر كل ذئوب