اختفاء زهرة الخشخاش...تانى حكاوى طراطيش

سيداتى سادتى..علمت الان قناة الحقيقة من مصدر مسئول عن سرقة لوحة زهرة الخشاش من متحف محمود خليل بالقاهرة المقدرة ب 55 مليون واصدر النائب العام قرار بالتحفظ علي وكيل وزارة الثقافة والبحث عن المجرمين.. واوضح مصدر اخر انه تم التحفظ علي ايطالي وزوجته بمطار طراطيش لحين التحقيق معهم ويذكر ان كاميرات المراقبة معطلة وزار المتحف في نفس اليوم احدى عشر شخص... واعلن رجل اعمال عن جائزة قيمتها مليون جنيه لمن يحصل علي اللوحة كانت معكم شاهى حريقة... المعلم فتلة... لاحول ولاقوة الا بالله لوحة ب 55 مليون علي كده صورة جدى الكبير اللي غطاها التراب دى تعملها كام دلوقتى؟؟؟ اصله كان كييف قديم وشرب زهر خشخاش اد اللي في لوحة دى خمسين مرة.. واد ياولعة هاتلي ياد شاي في الخمسينه خلينا نمخمخ قبل البت شاهى ماتيجى وتفوقنا بفرة الملفوف يانهار ابيض يامعلم انا لوكنت اعرف ان اللوحة دى عندنا في طراطيش كنت قلبتها انا ولفتلي سيجارتين اقلها كنا عدينا الازمة...منه لله الاعلام ملقاط الحرامى اكيد الدوكش اللي عمل المصلحة دى انا بقا غبي لو بلغت عنه قال مليون جنيه قال انا ممكن استبزه ومحدش يفهمنى غلط باستبزه دى ولو عمل فيها انه مش هو اللي سرق هسئله لسه هناك كام لوحة واعرف عنوان المتحف العسل دا.. حزنان كآبة... مليون جنيه مكافئة طيب والمليون يجيب اية دلوقتى..ونفترض كده نفترض لو عرفنا مكانها هيدونا مليون جنيه كده دا من غير كلام ابقا قابلنى دا ممكن يطلعوهم علينا ضرايب ولا نلبس احنا القضية ويطلعوا هما اللي مسكونا..وبعدين يعنى اللي سرقها هيعمل بيها ايه ماهو هيجى يوم ويموت وكانك يابو زيد ماغزيت ولا ممكن تدهسه عربية قبل مايفرح دنيا سودة صحيح.. واية الجديد يعنى حرامى وسرق لوحة هى لزمتها اية اصلا وانسي لو مسكوا الحرامى وهو يعنى هيعمل ايه بالملايين دى كلها ماهو ويومين كده والدنيا تهدى وتنام وينسي الاعلام مش قولتلك مفيش فايدة فاكس لوحة ايه خشخاش هأو وعاملين كل ده اومال لو كانت بوستر لتيمو حبيبي كانوا عملوا اية..ياشاهى ياحبيبتى تعاليلي في الفاصل وانا ارسمهالك امموواه ياكوكى سعيد ابتسامة انا متفائل جدا ادى كل مواطنى طراطيش عرفوا ان عندنا لوحة بالقيمة دى وبعدين اللوحة هترجع صدقينى بعد سنة بعد سنين اكيد هترجع ولو مرجعتش عادى احنا عندنا حاجات اقيم المهم ياشاهى تبصي لنص الكوباية المليان لو مفيش كوباية بصي للشفشق ههههه اضحكى يابنتى والله ماهى مستاهلة استاذ موسعها اووه لوحة خشخاش آه فكرتينى بالذي مضي يابنت ياشاهى دى رسمها فان جوخ وانا قاعد معاه بنشرب شاي وبالآمارة ووصانى عليها كتير عندى منها اتنين في البيت والله ياشاهى بس مبحبش اتكلم انا .. فاهمة انتى بقا النفسيات الحاج مستمر اناشد كل المسئولين علي مستوى العالم من موقعى هذا لو حد شاف اللوحة يرجعها دى ثروة ثقافية لاتقدر بثمن اما جوه طراطيش فالامن عندنا يقدر يرجعها لو لسه عندنا واتمنى ان الراى العام يكون هادى لان دا شيء عادى ماكل حتة فيها حرامية كمين امين طبعا يازعيم انا اديت اشارات لكل مداخل ومخارج طراطيش وبلغنا المطارات والموانى وفي خلال ساعات هترجع اللوحة او علي الاقل اللي شربها قصدى اللي سرقها هنجيبه بوعلي النقاش نحن نعلم جيدا ماآلت اليه الامور في طراطيش فساد في كل المجالات وانتم تعلمون الحل جيدا ورجائي الا ننعطف وراء الغرب في منحدراتهم فنحن قوم اعزهم الله ولابد الا تكون اولوياتنا مجرد رسمة لفنان كافر... دهشوري الدجال يابنتى روحى لاقرب عطار وهاتيلي منه ورك عقرب مسحول ودقن صرصور مسطول وست حسودية عينيها تصطاد الحرامية وفي ثانية هتلاقيها هنا حىىىىى الست عين... ايوة ياسيدى دهشوري انا جيتلك اهو سامحونى ياسيادنا هضربلك عين اجيب السارق او السارقين مصابين بمرض لعين وآدى بصة وفجأة تظهر اللوحة ورقبة شاهى ملوووحة بس الظاهر الست عين اتوصت حبتين فخرمت اللوحة ... شاهى حريقة... وكده ياجماعة اللوحة المفضوحة طلعت مزيفة يباااااى ع الدجالين كلهم نصابين .. واللوحة بح مفيش وبكرا في طراطيش حكاية جديدة يامهابيش استنونى ... دهشوري .... حىىىىىىى