نِعاس

1- وتبكى عليك المساكن
فى نهجة الدوخة
ولحظة خُطاك الغناوى
تعافرنى حداية.
2- يا سر تعاويذك
ولحن الملح ف عيونك
يا طعم نرفزتك
والكُل بيصونك
ناشر ف كراستك
نخلاية مسنونة
الرحمة فيها صدى
والدمعة مسكونة
3- هتسمح لكونك يتعاظم
ويبقى (مُخاط)
ويرمى السِكة من روحه
تدبدب سِلة* من شجرة
ف قلب موات
وتنسى الدنيا حباية
بتجرى وراك كما ضلك
ف لحظه تهب من ذُلَك
تدغدغ ردك الشطة
ف نوم ماشى
ف ضهر سديرى* يتعارك
مع خلايا بتسحلك*
.. لبن خامر*
ف طرف* قِدامك الفايرة
من الدوسة اللى خطيتها
على روح القمر لما
.. سهى منك
ف نبض بحيرة مسكونة
بغنيوتى ف وقت
نِعَاس.