الحلقة الثالثة من رغاى و صاحبه مطنشه

رغاى فى الاذاعة (( المواطن صوته اتنبح))
اعزائى المستمعين رغاى يقدم لكم البرنامج الاذاعى الجديد (( المواطن صوته
اتنبح )) من ايه ده اللى هنعرفه
ونقول مع اول اتصال الو : مين معايا
المواطن : الو الاستاذ رغاى
رغاى : ايوه ياريت تقولنا صوتك اتنبح من ايه
المواطن : فلوسنا فين يا عم الرغاى كل يوم نسمع اللى اتمسكوا واللى صادروااملاكهم بس مخدناش جنية ليه هنقضيها رغى فى التلفزيون وفى الجرايد والناس كلها بتتكلم فى السياسة وخلاص انا ((صوتى اتنبح فلوسنا فين))
وشكرا
رغاى : طب بوجه سؤال المواطن اللى صوته اتنبح فلوسنا فين للمسئولين
رغاى ومعانا تليفون تانى : الو
مواطن : عم الرغاى انا من سنتين بسال ايه لزمت تغير بطاقة الرقم القومى كل 7 سنين هى شحططة وخلاص انا ساكن فى المنيا وبيطلع عين اهلى لما اجى اعمل اى ورقة رسمى يعنى ((صوتى اتنبح ليه نغير البطاقة كل 7 سنين)) ليه
رغاى : السادة المسئولين ياريت نعرف ليه بجد تغير البطاقة كل7 سنين
رغاى : الو
مواطن :استاذ رغاى بسال ليه عملنا حساب للتبرعات وشايفين فلوسنا قدام عنينا مع اللى سرقونا طب مش افيد واسرع اننا ناخد فلوسنا وهو مين معاه فلوس فى الايام الطين ده عشان يتبرع بها انا ((صوتى اتنبح ليه عملنا حساب
للتبرع)) ليه
رغاى : اكيد السادة المسئولين سمعونا بس ياريت يجوبونا
رغاى : واتصال تانى الو
مواطن : ايوه يا رغاى فهمنى بقى اللى فى سجن طره دول هيتحاكموا امتى بس بجد عشان نحس ان فى حاجة حصلت وانا (( صوتى اتنبح امتى هنحاكم النظام السابق ))امتى
رغاى : صدقنى انا معرفش بس رسالتك وصلت وادى دقنى لو حد عبرنا انا وانت
رغاى : وفى اتصال معانا تانى
مواطن : يا رغاى باشا ممكن تعرفنى ازاى معندناش فلوس وعدد القنوات الفضائية زاد بالكمية ده وليه كل السياسين بقوا مذيعين وكل واحد له برنامج (( صوتى اتنبح ازاى القنوات الفضائية زادت والسياسين ازاى بقوا مذيعين )) ازاى
رغاى : عندك حق اذا كنت انا بقيت مذيع يلا ارزاق
رغاى : الو مين معايا
مواطن : اقول ايه بس والله الواحد مكسوف
رغاى : لا متتكسفش قول صوتك اتنبح من ايه بس
مواطن : المنتخب مجبش جول من ساعة ما مبارك مشى صح
رغاى : صح ولا جاب ضربة جزاء حتى
مواطن : طب تفتكرفى علاقة بين النقطة اللى جبها لنا المنتخب والنقطة اللى جبها لنا النظام القديم
صوتى اتنبح احنا مجبناش جول لية )) ليه
رغاى : معتقدش فى علاقة بين جنوب افريقيا وحرامية افريقيا
وهنا تخلص حلقتنا من برنامج (( المواطن صوته اتنبح )) واسبكم مع اغنية االبرنامج - قولوا للى اكل الحرام يخاف