اولى حلقات كوميديا ...رغاي و صاحبه مطنش

بقلم : ايمن طه
رغاى : هوشاب مثل باقى شباب جيله يريد ان يجد لنفسه مكان فى المجتمع قام بجمع احلامه ليصبح كاتب ساخر فى جريدة او مجلة له عمود صغير باسم رغاى يرصد به احداث المجتمع كلها بطريقة كوميدية اجتهد فى الدراسة بكلية الاعلام وحصل على البكالوريوس وبكل طموح ظل يبحث عن تحقيق حلمه فلم يجد غير الابواب المغلقة التى تفتح بالواسطة او بطرق اخرى فى عهد الفساد السابق .
فلم يجد من يقرا افكاره . بل من يسمع افكاره فقط .
لم يجد من يشجعه من يواسيه فى تلك الدنيا من يدله على طريقه لكى يحقق حلمه
لم يجد الا صديقه مطنش الذى كان يسمعه ويطاوعه بل ويكتب له ما به من احاسيس وافكار ومشاعر
جميع اصدقاء رغاى تركوه الا صديقه مطنش ظل معه بجواره
ذلك الرغاى هو انا : ايمن طه -- وذلك المطنش هو: قلمى -- الشيى الوحيد الذى كان يطاوعنى فى كل شيء ولانه لا يرد علي فاحسست انه صاحبى ولكنه مطنش
اتمنى من الله ان انال اعجابكم فى يوميات رغاى ---
شعار رغاى ( علشان مزعلش حد مليش فى الجد ) رغاى
بعد رائعة الكاتب الكبير نجيب محفوظ بين القصرين والحائز على جائزة نوبل فى الادب يقدم لكم الكاتب المغمور رغاى الحائز على 5 ايام خصم بسبب تاخيره عن العمل تحفته الاولى
مسلسل (( بين الغرفتين )) اجدع كوميديا ع النت
بطولة : مبارك - سوزان - جمال -علاء - ونخبة من احقر طبقات المجتمع
الحلقة الاولى
المشهد الاول
منظر لمستشفى شرم الشيخ من الخارج -- ثما تدخل الكاميرا احدى الغرف بالمستشفى نسمع صوت مكالمة تليفونية ..... الو ...
امينة : ايوه يا سى السيد اخبارك ايه ما دهية تكون بخير
سى السيد : بخير يا امينة وزى الفل
امينة : يخرب بيتك يا سى السيد ولا دعوة لبست فيك انت ايه 85 مليون واحد بيدعوا عليك ولسه عايش سى السيد : يا امينة انا مصرى يعنى النيل رواه والخير جواه
امينة : طب يا خويا طمنى بتكلمنى فى نص الليل ليه
سى السيد : حبيت اقولك كل سنة وانت طيبة بمناسبة شهر رجب
امينة : وانت طيب ويزيح عنك ولاد الحلال ويسيب لك ولاد الحرام اللى شبهونا معاهم ع الفاضى
سى السيد : فكرتينى صح الواد جيمى واخوه ركس عاملين ايه
امينة : اهم مع باقى الشلة وهاتك يا ضحك وكركرة طول اليوم واحلى اكل بيروح لهم
سى السيد : يا سلام كده اقدر اكدب وانا مرتاح صحيح يا امينة
امينة : اءمرنى يا خويا
سى السيد : فاكرة احنا كنا بنعمل ايه كل اتنين وخميس فى شهر رجب
امينة : مش فاكره يا خويا من اللى جرى لنا فكرنى هو اللى انا شفته جه شوية
سى السيد : استغفر الله العظيم حد ينسى الاتنين والخميس فى شهر رجب افكرك يا امينة الاتنين بنعمل الحسابات بتاعة الدولار والخميس الحسابات بتاعة اليورو
امينة : ايوه يا خويا افتكرت والجمعة ساعة الصلاة حسابات مكتبة الاسكندرية عشان نغزى العين
ربنا يخليك ليه يا مسود ايامى انت وولادك جيمى وركس
الى اللقاء فى الحلقة الثانية