استاذى صلاح جاهين... لو معانا كان قال ايه

بقلم : ايمن طه
قالوا ايه اللى رماك ع المر قلت اللى ءامر منه
قالوا لى سمعنا صوتك . قلت يعنى ايه مسلمين ومسيحين
اللى اعرفه اننا اخوات فى مصر وبالله موحدين
*** وعجبى
شكيت والشكوى لغير الله مذلة
قادر يارب ترجعنا مصريين مش بالكلام لا بحالنا
ودعيت وبكيت يا عالم بينا ارحمنا
ابعد سحابة الليل والضلام ونور لنا نهارنا
*** وعجبى
يالى دوست علينا عشان تطلع فوق واحنا اللى تحت
نازل نازل يا بن ادم فى القبر والدود مستنيك تحت
فرقت معاك اخر خطوتك . جيت تعلى لفوق اكتر .وقعت تحت ***وعجبى
عايش ولا ميت مش فارقة مع عداد السنين
ما انا شايف ناس عايشة ومن الرعب ميتين
وشفت ناس ماتت بس شهدا وفى الجنة عايشين
اضرب كف بكف واقول ياريتك كنت خواجة
اصل ولاد البلد عمرهم ما كانوا خاينين
*** وعجبى
يالى رضيت بالحرام وعارفه وقلت وانا مالى
يا سارق عرقنا وقوتنا وشقانا وقلت ده مالى
يالى راحت البال راحت منك طب وانا فين مالى
جرب مرة تعيش فقير ويبقى حالك من حالى
*** وعجبى
سمعت فيكى يا بلدى كلام جديد على ودانى
حرق كنايس . فلوس مسروقة. حاميها حراميها . اه يانى
وانا اللى فى نصرك فرح وغنا احلى الاغانى
وانا اللى اتقهر فى سرقتك. وفى حرايقك انكويت تانى
*** وعجبى
يالى هونا عليك ما خلاص علينا هونت
رصيدك خلص عندنا يالى للامانة خنت
شوف حالك من حالك لو كنت لينا صونت
ولا عاوزين نعرفك انت جوانا كانك ما كنت
***وعجبى