أثار هجوم الإعلامية ريهام سعيد مقدمة برنامج"صبايا الخير"على سمية طارق المعروفة اعلاميا ب"فتاة المول" انتقادات وسخرية رواد مواقع التواصل الاجتماعى "فيس بوك" و"تويتر". ودشن رواد موقع التغريدات العالمي " تويتر" هاشتاجين بعنوان " موتي يا ريهام" و "فتاة المول" لتعاطفهم مع الفتاة واستيائهم من عرض ريهام سعيد لصور لها ببرنامجها ، مؤكدين إنها إعتادت فضح بنات مصر من خلال نشر صورهم الخاصة بطرق غير مشروعة . ودافعت ريهام سعيد خلال حلقة أمس الأربعاء عن نفسها قائلة :"محدش خد موبايلها منها زي ما بتقول، عايزة تطلعي بطلة أطلعي بطلة براحتك، تحبي أعرض الحاجات التانية، فيه حد لو هو سوى يحط صور بالشكل ده، أنا مش هتكلم لأني حلفت إني مش هتكلم عشان عندي بنت". فقال بلال حمدي :" ده ربنا بيستر انتي تفضحي ليه عرض بنت زي بنتك يعني ربنا ستر عليها انتي تفضحيها اومال اعمال خير ايه البلد دي مش هتتقدم". وأضافت شيماء يوسف :"ريهام سعيد هتطلع دلوقتي تقول أن كل اللي في الهاشتاج ده بيغيروا مني ومن حلوتي ". وعبرت كارما محمد عن إستيائها من الإعلامية ريهام سعيد قائلة :" عايشه حياتها على التشهير بالناس حتي في مساعدة المرضي بتشهر بالمرضي واهلهم ، عايزة اعرف سر كرهك للبنات ؟". و قالت أميرة عبد الرحمن :" و بعدين يا جماعه احنا بنموت فيها من امبارح و مابيحصلهاش حاجه! انا بقول نجرب نغزها بصليب خشب في قلبها احتمال تطلع مصاص دماء".