بالفيديو .. ريهام سعيد تفتح النار على «فتاة المول» و«إيمان الحصري»

رفضت الإعلامية ريهام سعيد بشدة اتهامات سمية طارق المعروفة إعلاميًا ب"فتاة المول" ، لها ولفريق عملها بسرقة موبايلها الشخصي ، وأخذ 600 صورة من عليه وعرضهم ببرنامجها ، قائلة "انتي متعرفيش إيه الصور اللي اتبعتت لينا".
وقالت ريهام سعيد خلال برنامجها "صبايا الخير" على فضائية "النهار" مساء الأربعاء "هي اللي جت لحد عندنا ومتصورة وهي داخلة مدينة الإنتاج الإعلامي برغبتها"، مضيفة "بتتهمينا إننا ضرناكي لكن اللي بتعمليه دلوقتي هو اللي هيضرك".
وأضافت : "محدش خد موبايلها منها زي ما بتقول، عايزة تطلعي بطلة أطلعي بطلة براحتك، تحبي أعرض الحاجات التانية، فيه حد لو هو سوى يحط صور بالشكل ده، أنا مش هتكلم لأني حلفت إني مش هتكلم عشان عندي بنت".
وتابعت: "أنا مقولتش حاجة وحشة عنك، أنا قلت إنك جريئة وأكيد عملتي حاجة خليتيه يتحرش، قبورنا كلها هتبقي واحد وأنا هشيل هم اليوم ده، وأقسم بالله أنا سترت عليكي وانتي عارفة كده كويس، وهفضل أستر عليكي مهما عملتي".
من جهة أخرى فتحت ريهام سعيد النار على الإعلامية إيمان الحصري مقدمة برنامج "90 دقيقة" على "المحور" ، بسبب ما اعتبرته هجوما عليها طوال البرنامج بسبب حادثة سمية طارق ، دون أن يسمعوا منها .
وكانت مشادة كلامية بين ريهام سعيد ، و إيمان الحصري، بعدما قالت الأولى للأخيرة: "هتسمعيني غصب عنك" ، الأمر الذي استفز الحصري وطلبت من الإعداد إنهاء المكالمة.