مشادة بين أحمد حلمي وأحد محبيه بسبب قناة السويس

نشبت مشادة كلامية بين النجم أحمد حلمي وأحد الأشخاص يدعى محمد داود عبر صفحته الخاصة على موقع التواصل الاجتماعي "فيس بوك"، بعد نشر "حلمي" صورة من جواز سفره، وعليها ختم القناة الجديد.
وعلّق عليها قائلاً: "ختم قناة السويس، مبروك لمصر، ولناس مصر، ولأهل مصر، ولولاد مصر، ولرجالة مصر، وستات مصر، وشباب مصر، وبنات مصر، ولأطفال مصر، ولكل اللي بيحب مصر، مبروك".
وأثارت هذه الكلمات غضب أحد محبيه، الذي علق عليها بقوله: "والنبي يا حلمي لو دي صفحتك بجد ابعد عن السياسه علشان متكرهناش فيك انت كمان.. قناة سويس جديده ايه بس !!!!".
فيما رد "حلمى" عليه قائلاً: "تفتكر يامحمد لو بلدي عملت خط جديد لمترو الانفاق مثلا يربط نص البلد بسته اكتوبر مثلا. وانا قولت مبروك علينا المترو الجديد ابقي كده بتكلم في السياسه. لو انت فاهم ان انا كده ابقي بتكلم في سياسه يبقي معلش انت مش عارف يعني ايه سياسة..".
.
وأضاف "حلمى": "متنساش يامحمد ان المصرين اللي انا باركتلهم دول هما اللي عملوا القناه الجديده بفلوسهم.. اوعى تنسى.. محدش عمل القناة غير المصريين يامحمد. شكرا".