فيديو..رانيا بدوي تحرج عمرو أديب على الهواء

وقعت مشادة كلامية ساخرة بين الإعلاميين عمرو أديب، ورانيا بدوي، مقدما برنامج «القاهرة اليوم»، على قناة «اليوم»، مساء الإثنين، عندما طالب «أديب» الشباب بضرورة العمل والجد والاجتهاد، وعدم الاعتماد على الدولة في توفير سكن مجاني لرغبتهم في الزواج فور التخرج من التعليم الجامعي مباشرة.
وأوضحت «بدوي»،أن الحكومة التي أقرت 1200 جنيهًا كحد أدني للأجور، هي نفسها التي تسببت في التضخم وزيادة الأسعار، ليقاطعها «أديب» بقوله: «لأ معلش أنا دارس اقتصاد.. التضخم زاد الشهر دا بس علشان زيادات الأسعار بانت، إنما الشهور القادمة مفيش تضخم».
فبادرته رانيا بدوي بالسؤال: «يعني الشهر اللي جاي مفيش تضخم ومش هنزل أشتري الفاصوليا ب15 جنيه؟»، ليرد «أديب»، قائلًا: «عايز أفهم بتاكلوا الفاصوليا الخضراء ليه.. دي أكلة منيلة بستين نيلة، طب ما تاكلوا بطاطس أو لوبياء، وأرخص حاجة عندنا الطماطم والخيار بجنيه وب2 جنيه والله عند الست اللي عندنا على الناصية»، فاعترضت الإعلامية ضاحكة: «والله حرام عليك أنت كده بتقوم بدور الإعلام المُضَلِّل».