وقعت مشادة كلامية بشكل كوميدي بين الإعلامي عمرو أديب، والإعلامية رانيا بدوي، خلال تقديمهما لبرنامج «القاهرة اليوم»، علي فضائية «اليوم»، مساء أمس الإثنين، عندما طالب «أديب» الشباب بضرورة العمل والاجتهاد وعدم الاعتماد علي الدولة في إيجاد فرص عمل وتوفير المسكن لهم. وأشارت رانيا بدوي إلي أن هناك تضخما كبيرا في أسعار السلع الغذائية بالأسواق، فرد «أديب»: «لا أنا دارس اقتصاد وعارف.. التضخم زاد في الشهر ده بس وهينخفض بعد كده بداية من الشهر القادم». وقالت رانيا بدوي: «يعني الشهر الجاي مش هيبقى فيه تضخم.. والشهر الجاي مش هنزل أشتري الفاصوليا ب 15 جنيه»، فرد «أديب» بقوله: « إنتوا بتاكلو فاصوليا خضراء ليه دي أكلة منيلة بستين نيلة ما تاكلوا بطاطس.. ومالها اللوبياء.. وارخص حاجة الطماطم دي بجنيه وب 2 جنيه والله عند الست اللي علي الناصية عندنا». واعترضت رانيا بدوي ضاحكة: « والله حرام عليك انتا كده بتقوم بدور الإعلام المضلل».