شواكيش

أنت مصرى.. سيساوى أصلى!

محمد إبراهيم، وزير داخلية حكومتنا «المفخخة» بيفكرنى دايماً بوزير داخلية فيلم «الإرهاب والكباب».. كلامه حمرقة.. وتهديداته فرقعة!!
مطربو النفاق ظهروا مبكراً قبل ترشح المشير «السيسي رئيساً».. من شعبولا «كلنا بنحب السيسي»، حتى «عاش السيسي عاش»!!
وزارة الصحة حذرت من «الفنكوش»، ووزارة الداخلية حذرت من «المولوتوف».. والحكاية كلها «وزارات مفرقعة إعلامياً»!!
على طريقة الفنان عبدالفتاح القصري: حكومة الكومندا المهم حازم بيه الببلاوى «هتفلت المرة دى»!!
إخوان الإرهابية سيؤدون الرقصة الأخيرة فى عيد «الفالنتين» على أنغام أوبريت «تسلم الأيادى»!!
قناة «الفلول» بترقص على واحدة ونص.. ما تستعجبوش أصل وراءها الراقصة اللولبية «سما المصرى»!!
فلول الحزب الوطنى «المنحل» رفعوا فى الشعار الانتخابى شعارهم «بالفردى راجعين.. وبالمختلط طايحين.. وقفلى على كل الصناديق»!!
عرفتم سر استقالة الوزير زياد بهاء الدين؟ أصل الحقيقة هيرشح نفسه قدام المشير «السيسى».. لم ورقك يا جدع!!
بمناسبة قرب فتح باب الترشح للانتخابات الرئاسية.. شعار المرشح «المغلول» سيكون «سنحيا اكتئاباً»، والمرشح «المعتوه» «النعجة.. إرادة فروة شعر»!!
تراجع الفريق «عنان» عن الترشح للانتخابات الرئاسية.. تكفير عن خطيئته فى تسليم مصر للجماعة الإرهابية «تسليم أهالى»!!
وسع يا جدع.. الست فيفي عبده بقت إعلامية جامدة قوى.. يعنى بالمصرى الصريح: رقصنى يا جدع على «كرنبة ونص»!!
رحلة البحث عن فضيحة «توأم» الفنانة زينة وأحمد عز وصلت إلى «طريق مفخخ».. ربنا يستر!!
حمدين صباحى المرشح «المحروق».. عين فى الجنة.. وعين فى النار.. ما خلاااااص الكرسى الرئاسى من إيده طااااار!!
الإعلامى الساخر باسم يوسف غنى بصوته أغنية «آه يا أفا».. وبهذه المناسبة عايزين نقوله: تسلم الأيادى اللى «طرقعت القفا»!!
الشيخ مظهر شاهين أفتى بجواز تطليق الزوج لزوجته «الإخوانية» على طريقة «اللى مش معانا.. نبقى ضده»!!
آآآآه يا زمن اللى شوفنا فيه «إخوان الإرهاب» ماشيين بأربع صوابع.. والشعب غاضب وماشى على طراطيف صوابعه!!
آخر شوكشة
بيقولوا ولاد البلد: الرجولة ملهاش قطع غيار.. والشعب خلاااص اختار «السيسى رئيسى»، وهو خيرة الاختيار.. أصله مصرى.. سيساوى أصلى.. مش زى العميل «مٌرساى» اللى باع دينه ووطنه.. ووقف بضهره ورا القضبان.. يصرخ ويهرتل زى الطوفان.. وعجبى على الزمن العجبى!!
m.zaky @ yahoo. Com