الفيس بوك ل" ليندا فهمى " بعد حجابها: شوفى لك حل فى قلبك قاسي، واوعى ترجعى زى عبير وميرنا

أثار خبر ارتداء مطربة الكليبات " سابقا" ليندا فهمى للحجاب ردود أفعال متباينة على مواقع التواصل الإجتماعى، خاصة بعد ظهورها بالحجاب على احدى الفضائيات المصرية قبل أيام.
فما بين التهنئة على ارتدائها الحجاب، والاستياء من انقطاعها عن الغناء تأرجحت الآراء، وعلى صفحتها على " فيس بوك " كتب العديد محذرين إياها من ارتداء الحجاب ثم خلعه كما فعلت عبير صبري وميرنا على حد قول أحدهم، فيما نصحها آخرون بأن " تقفل على نفسها" ولا تغنى نهائيا ولو كانت الأغانى دينية، وفى احدى المشاركات من دعاء، قالت:" على قد ما كنت بكرهك، ومتزعليش من اللى انا بقوله على قد ما حبيتك وبموت فيكى لما شوفتك بالحجاب والهدايه، فرق كبير بين دلوقتى والاول، بس بجد ربنا يثبتك كلنا بنغلط المهم منتماداش فى غلطنا، ونستغفر ربنا وربنا غفور رحيم بيقبل دعوة اى انسان تاب من قلبه على اى غلطة ربنا معاكى ويقويكى يارب وتفضلى كده على طول وتقدميلنا الهادف بس اللى البنات تمشى وراكى فيه"، كما نصحها الكثيرون بأن " تشوف لها حل " فى كليب " قلبك قاسي " لأنه " صعب أوى " على حد قول أحدهم .