"كودنى شكرا".. أخر صيحات "فيس بوك"

"حد يفهمنى أيه لعبة الأرقام ديه".. السؤال الأكثر شيوعًا بين نشطاء مواقع التواصل الاجتماعي خلال الساعات القليلة الماضية.
حيث انتشرت لعبة الأرقام بين نشطاء موقع التواصل الاجتماعى "فيس بوك" بسرعة غير مسبوقة، وهى المرة الأولى التى يجتمع فيها نشطاء ال"فيس بوك" على شئ بعيدا عن الأحداث السياسية، والتي ظلت مسيطرة على موقع التواصل الاجتماعى الذى كان أحد أسباب قيام ثورة 25 يناير .
تعد اللعبة الجديدة وسيلة للتواصل بين الأصدقاء بطريقة جديدة، حيث يقوم المستخدم بكتابة رقم معين لصديقه فى الرسائل الخاصة به وما أن يراه الصديق يكتب عن صديقه صاحب الرقم صفاته أو ذكريات تجمعهم أو حتى ينتقده، ولا يعرف باقى الأصدقاء لمن تكون هذه العبارات أو الصفات، والتى تعد نوعا من "التكويد" السرى.
ومن أبرز هذه التعليقات التى كتبت بشأن هذا الموضوع ،هي كالآتي:
- " الناس اللى لا عاجبها لعبة الأرقام ولا تويتات سياسة ولا ألش ولا زافويس مكانهم مش هنا.. كلموا البنك الأهلى يجيبلكم حد يزغزكم شوية" .
- " هي إيه لعبة الأرقام دي، ماحد يفهمني وأنا زي الأطرش بالزفة كده.. حرام عليكم أنا زي أختكم " .
- " إحنا نشوف مين صاحب فكرة لعبة الأرقام ده ونفجره".
- " تقريباً أنا الوحيد إلى معرفش لعبة الأرقام ديه" .
- " ألو ؟.. الفنانة سماح أنور.. حضرتك أنا ما شاركتش فى لعبة الأرقام.. أنا كده طبيعي؟" .
- " المضحك في لعبة الأرقام، إن الناس اللى زعلانة وبتف على اللعبة واللى بيلعبوها ، بيلعبوها دلوقتي أهوو" .
- " إحنا فعلًا لازم نحافظ على السلالة اللى ملعبتش لعبة الأرقام دى، الناس دى دلوقتى عملة نادرة ومحدش عارف الزمن".
- " الحمد لله أن تويتر مفهوش لعب فقيعة زي لعبة الأرقام اللي في الفايسبوك دي !" .
- " حلوة فكرة إنك تعرف اللي قدامك شايفك إزاي دي" .
- " أنا كنت بكره لعبة الأرقام دي من أول ما ظهرت عالفيسبوك عشان كلها نفاق ومجاملات" .
- " الله يرحم أيام ما كنتوا بتلعبوا لعبة الأزايز !" .
- " وبعد لعبة الأرقام الجميلة دي أحب أقولكم لو حد من أصدقائي لسة فيه حيل وعايز يبعتلي رقمه إنبوكس يتفضل ".
- " الاستوتس كلها بقت أرقام متبوعة بكلام نحنحة وحب وغرام أول ما مايقلبوا سياسة يلعنوا سلسفين بعض ".