يعني إيه حاجة ساقعة زيرو

انتشر علي موقعي تويتر وفيس بوك العديد من التعليقات الطريفة التي تستغل شعار دعاية إحدي شركات المشروبات الغازية في إعلان شهير يقول‮: يعني إيه حاجة ساقعة زيرو‮"‬،‮ ومن أطرف تلك التعليقات التي لامست جوانب كثيرة من الحياة السياسية بعد الثورة‮:‬
‮ يعني تبقي واقف في لجنة شعبية بتحشش،‮ ويفوت عليك البوكس تقوم مفتشه‮.‬
‮ يعني البوكس يقف ويتفتش ويستني لما العيال الصغيرة تلف بالكلاب البلدي حوالين البوكس‮.‬
‮ يعني تبقي واقف طالع عينك في اللجنة الشعبية وأمهات المنطقة بيفكروا في عرسان لبناتهم من اللجنة‮.‬
‮ يعني الإخوان المسلمين يجتمعوا بالمجلس العسكري و»أمن الدولة‮« يصبح تنظيماً‮ محظوراً‮.‬
‮ يعني كل المصريين اللي بره عاوزين يرجعوا مصر يعيشوا ويتمتعوا بالحرية فيها وحسام حسن يهدد بالهجرة‮.
‮ يعني الوزارات كلها تعمل صفحات عالفيس بوك وشباب الثورة بكل عشم يدخل يقول‮ : ممكن تبادل إعلاني يا أدمن؟‮
‮ يعني خالد يوسف يتصور جنب محمد حسان‮.‬
‮ يعني حمادة هلال يقفش لوحده ان شهداء‮ 25 يناير‮ .....‬ماتوا في أحداث يناير‮.
‮ يعني طلاب الإخوان يعملوا مؤتمر في الجامعة والأمن يوصلهم الكهربا بتاعة السماعات‮.‬
‮ يعني يبقي ضابط أمن دولة قاعد في المقر بتاعه خايف إن راجل ملتحي سلفي أو أخواني يجي يعتقله‮.‬