قال حسني مبارك، الرئيس الأسبق، إن حركة حماس وراء مذبحة رفح الأولى التي راح ضحيتها 16 جنديا. وتابع في تسجيلات صوتية نشرتها جريدة "اليوم السابع": " حماس هي اللي قتلت الجنود لذلك هما مش عايزين ينطقوا..ومرسي مش عايز ينطق بكلمة علشان هما اللي هربوه وقت الثورة". وفي حديث أطرافه طبيب مبارك الخاص وأحد ضباط الحراسة حول مذبحة رفح الثانية التي راح ضحيتها 25 جندياً، يسأل الضباط الطبيب: "المنايفة عاملين أيه بعد ما الناس ماتت في حادث رفح الأخير من عندهم"، ويجيب الطبيب: "والله الناس حزينة..وكان لسه حد بيكلمني من قرية مات فيها 4 وبلدنا اسمها فيشه الكهربا مات فيها 4 كمان.. الناس طلعت حرقت بيوت الإخوان وولعوا في المحلات". يتدخل مبارك في الحديث: " شيء غريب في الحادث ده..ده قتلوا الجنود وكتفوهم من وراء"، فيما سأل الطبيب مبارك: "هل حد منهم يعمل الكلام ده - في إشارة إلي جماعة الإخوان- أو إسرائيل"، فيجيب الرئيس الأسبق: " لا لا إسرائيل ما تعملش كده..أم الإخوان دول مجانين..عندهم حالة جنان".