تويتر: لماذا أجمع المصريون على محاكمة السبكي

رغم تصدر فيلم "قلب الأسد"، للممثل المصري محمد رمضان، قائمة الأفلام الأعلى إيرادا في العيد، تزايدت المطالب عبر تويتر بمحاكمة مخرجه، كريم السبكي.
ولعل السبب المشترك بين جميع من شاركوا في وسم #حاكموا_السبكي، هو المستوى الهابط للفيلم، بحسب مراقبين، وضعف المحتوى والأداء التمثيلي، ما دفع الكثيرين إلى التساؤل: ما الذي يجعل هذا الفيلم يتربع على عرش أفلام العيد؟ ولماذا علينا محاكمة كريم السبكي؟
الإجابة تلخصت في التغريدات التالية:
abn_semsem@: نعيب على السبكي والعيب فينا ... يعني هو كان هيكسب إزاي إلا بينا.
marw2aa@: الفكرة مش في السبكي لكن في ثقافة الشعب اللي عايز الأفلام دي وبيدخلها.
sherwet_ismael@: اللي بسببه بقالي فترة طويلة مش قادرة أدخل السينما أتفرجلي على فيلم محترم .. لأنه في مواسم زي كدة بيحتكر دور العرض بأفلامه.
ro2a_shahen@: لأن ده واحد جشع كل همه الفلوس ويبيع سلعه رخيصة.
R_Nabeil@: لما تلاقي نص شباب مصر قدام السينمات عشان يتفرجو على أفلام كلها سفالة ... يبقى مش عايزين ثورة شعب .. احنا عاوزين ثورة اخلاق.
sherio28@: يفرق ايه عن اللي بيخون البلد !! او اللي بيتاجر في المخدرات !!! بيشوه وعي أجيال ويفسد عقول.
SalmaZz45@: عايزين أفلام تكون ليها معنى مش بتعلم شبابنا الشتايم والتحرش والمعاكسة.
Rona_Hisham@: هو السبب في الأزمة الأخلاقية اللي موجودة في مصر لو كنا في بلد متقدمة كان هيتسجن على الأقل 10 سنين.
shaimaa_hosny19@: يكفي ترويجه للتحرش الجنسي والانحطاط اللفظي في أفلامه بشكل يظهر كأنه شيء عادي ومقبول، رغم إنه لابد من توعية الشباب الصغير بالعكس.