حوار.. مع المقلوع

أين أنت الآن يا ... ؟ لا أعرف!! أنت في المحروسة مصر أم الدنيا.. لا محروسة ولا حاجة ولا أم الدنيا ولا أبوها. مين اللي قال كده. كل المصريين بيقولوا كده.. مصر المحروسة من الحسد ومن البيع ومن التقسيم ومن نهب ثرواتها.. أنت بتفكر في إيه دلوقتى يا ...
بفكر في شرعيتي اللي ضاعت مني وعايزها ترجع لي تاني أو أنا أرجع لها. ما تفرقش يعني. أصل أنا وهي واحد، لأ يا شيخ تكونشي فاكر إنها مراتك وأنك في إجازة يومين وراجع، ليه لأه.. إخواني في رابعة -رابعة مين- رابعة بنت خالة النهضة، هما الاثنين رتبوا - رتبوا إيه؟- موضوع رجوعي للكرسي. الصراحة إحنا مش عارفين ولا عايزين نعرف، إحنا عايزين ننسي السنة الكبيسة قوي اللي سدت نفس كل المصريين في الداخل والخارج وأصابت الشعب المصرى بالاكتئاب، يتمطع المقلوع قائلاً «سنة كبيسة؟ مين اللي قال كده، ليه هو كان حصل إيه؟ اعتداء علي القضاء والدستورية العليا والإعلام والأزهر والكنائس والأحزاب والشرطة والجيش، بالصراحة الصراحة مين اللي جابك رئيس؟ الجماعة والأمريكان، مين اللي فرضك علينا؟ أوباما بن لادن وباترسون وآخرون؟ ومين اللي قلعك؟ الشعب المصري وسانده السيسي.
سكرتير عام الوفد بالقليوبية