أحمد السقا‮: عايزين جمعة للعمل

شوفتوا عملنا كام جمعة من أيام الثورة؟؟‮.. جمعة الغضب،‮ والرحيل،‮ والصمود،‮ والجيش،‮ و‮...‬الفتنه الطائفية،‮ والوحدة الفولاذية،‮ و‮... و‮... و‮... أنا بتحداكم جميعاً‮ أننا نعمل جمعة ومليونية للعمل‮.. كله‮ يروح شغله‮ يوم الجمعة ويشتغل ببلاش ويخلص الحاجات اللي‮ وراه‮..
عارفين جمعة زي دي‮ تفرق أد إيه في‮ اقتصاد البلد،‮ وفي‮ روحنا،‮ وتوجهاتنا،‮ وإثبات حقيقي‮ لحبنا‮... لمصر وتكملة صحيحة لثورة‮ 25يناير مصر أهم من اي حاجة متفكرش في نفسك فكر في بلدك لان خير البلد هيعود عليك فكر وطور واشتغل زياده أنتج اتعب وفي الآخر مصر اللي هتردلك الجميل محتاجين فعل مش كلام مصر محتاجة نبنيها تاني علشانك وعلشاني وعلشان أخواتنا وأولادنا وأهلنا علشان تحس بالأمان بس مع الفرق أمان مع اقتصاد قوي لو بتحب مصر بجد أكيد هتنفذ الكلام دا وهتقول لاصحابك‮ يعملوا كدا‮.‬
عملنا الثورة وكمان لازم نعمل حاجة لمصر‮.. نضفنا البلد من الحرامية وما زلنا هنضفها من اي مرتشي وحرامي بيسرق خير بلدنا‮ .. لو عجبك الكلام دا اتحرك‮.. وانشرها‮.‬