لإسقاط "مرسى"

تمرد تدعو المواطنين بالنزول للتحرير والاتحادية

قبل ساعات من ثورة 30 يوينو، وزع أعضاء حملة تمرد منشورات علي أصحاب المحلات التجارية والمارة في منطقة عين شمس والمطرية والزيتون، تحث المواطنين علي النزول الي ميدان التحرير والاتحادية لسحب الثقة من الرئيس الإخواني محمد مرسي وإجراء انتخابات مبكرة.
وجاء في المنشور الذي حمل عنوان 30 يوينو سلمية لإسقاط مرسي: "انزل وشارك ومتخافش سلمي، وما تترددش فاضل إيه تسكت عليه مفيش كهرباء، مفيش بنزين، مفيش مياه، مفيش علاج، المرتب مش مكفي، الفواتير نار، الأجرة غالية، مش لاقيين عيش، بلطجية، انعدام الأمن، إرهاب، سرقة، عمالة بتتشرد، بطالة بتزيد، مصانع بتتقفل، البلد بتتباع، بنشحت من كل بلاد العالم، كرامتنا ضاعت أمام كل العالم".
وطالب المنشور الشعب بالنزول، قائلاً له: "انزل شارك فى ثورتك 30 / 6، ولو حتى ترفع علم مصر على بيتك المهم إنك تشارك وما تخافش، واعرف لو سكت محدش هيعرف يجيب حقك، دي بلدك وعرضك ومستقبلك ومستقبل أولادك، انزل، شارك، احشد".