مصر من غير فتنة

مصر مش ممكن تعشش فيها فتنة
مصر أدري بالتحدي تعدي كل محنة
بس لسه بعد الثورة عليها خايفة
من خفافيش الظلام ينهشوا فيها بفتنة
مصر دار جدرانها بالحب والتسامح مبنية
مصر زراعة بالود والوفاء مسقية
مصر حصن منيع يصد كل معتدي وبأيدي عفية
مصر فرعونية بالأصالة متحنية
حضارة اتولدت منها الحضارات للدنيا معدية
مصر هلالها بيحمي الصليب جامع وكنيسة ومدنا
مصر ساقية للعطاشي ورحاية لكل جبان بايدي خفية
مصر عش وهش الغراب والبومة وكل حدادي السلطة
بلدي اللي شافت ياما سنين من الذل
بلدي ليها عليك ألف حق وفضل
لو بتحبها بلاش تولع في رأسك فكرة
لو من صلبها خاف عليها واحلم بكرة
ده دم مينا ومحمد اختلطو علي أرضها
ورصاص القناصة مكنش يفرق في اللي حبها
واللي عاش واتربي علي خيرها لازم يخليها منورة
مصر بالثورة ملحمة وغنيوة للعالم بقيت جميلة منورة
يبقي ينفع نعشش فيها ظلم وفتنة
مصر مش ممكن تعشش فيها فتنة
كلنا ولادك يا مصر كلنا بنحب مصر
واللي يحبها يخاف عليها يبنيها مش يهدها
مصر من غير فتنة