جمال عبد الناصر يحذر العمال من حكم الإخوان

"هل الإسلام يقول إن الشعب يكون كله من العبيد، وتكون هناك عيلة مميزة هى اللى تاخد الدخل كله؟! هل الإسلام يقول إن إحنا ناخد فلوس المسلمين؟! ننهب فلوس المسلمين؟!
ونسف فلوس المسلمين ونسرق فلوس المسلمين؟! الفلوس تروح للعيلة والشعب مش لاقى ياكل".. هكذا عبر الزعيم الراحل جمال عبد الناصر بكلماته البسيطة عن الوضع الحالى الذى نعيشه الآن وذلك في عيد العمال لعام 1966.
وتابع عبد الناصر وصفه للعصر الحالى وكأنه يعاصره معنا، وكأنه يتحدث عن الرئيس الحالى محمد مرسى وجماعته من الإخوان المسلمين قائلا: "الحقيقة أبو دقن دا أما يطلع يتكلم هذا الكلام هو عايز يستغفل الناس، وعايز يضحك على الناس، عايز الناس يقولوا له آه أنت أمير المؤمنين، دقنك طويلة وسافف فلوسنا ونسلم لك بإنك تربى دقنك وتسف فلوسنا؛ لأن الإسلام بيقول كده! ولكن أنا باقول إن الناس مش حيقولوا كده، وزى ما ينتفوا دقون الرجعيين كلهم حينتفوا دقنه؛ لأن دي سنة الكون مش أنا اللى عملت الكلام دا، دا سنة الكون ودى الطبيعة، ممكن نستغفل الناس 10 سنين و20 سنة، ولكن حنستغفل الناس على طول! بنطلع نقول لهم دى الاشتراكية ضد الدين! هم الناس مغفلين؟! اللى عايز يطبق الإسلام.. يوزع أموال المسلمين على المسلمين".
وعبر الزعيم عبد الناصر عن حال العمال في عصر الرئيس الحالى محمد مرسى ونصيحة إلى القائم بالحكم "لازم كل واحد ياخد حقه، وكل واحد يعلم علم اليقين أن الدين هو دين الحرية، ودين المساواة، ودين العدالة الاجتماعية، ودين الأخذ من الأغنياء للفقراء، ودين أموال المسلمين للمسلمين، وليس الدين أن تحتكر فئة قليلة أو عيلة واحدة كل شىء وتاخذ كل الخيرات وتسيب الشعب جعان، ما فيش فرص، ما فيش أى شىء، الدين إن إحنا نعمل من أجل حرية بلادنا ومن أجل تعزيز ديننا ولا نعمل من أجل الاستعمار".
خطاب عبد الناصر إلى العمال 1966:
https://www.youtube.com/watch?v=Do0TO9Yh_-A
كان الرئيس الراحل جمال عبد الناصر زعيما لثورة 1952 ونصيرا للعمال ومساندا لعامة الشعب.. الرئيس الذى سعى إلى إحداث العدالة الاجتماعية وعمل على تأميم الشركات من أجل العمال وأمم قناة السويس ووقف جنبا إلى جنب بجوار العمال، وكان دائما ما يوجه الكلمات الحماسية إليهم التى تبرز نصرته لهم، حيث وجه لهم في عيدهم كلماته "أنتم القوة اللى تستطيع أن تحول الأرقام وتحول التفكير العلمى والتخطيط العلمى إلى واقع، وإلى إنتاج، وإلى أجور، وإلى خدمات، وإلى مدخرات يعاد استثمارها بعد ذلك أيضاً؛ لنعيد تشكيل الحياة فوق أرضنا ونبنى".
الرئيس جمال عبد الناصر يوزع الأوسمة على العمال: