فيديو.. خالد الجندي للمسلمين: انتقلوا من شعائر العبادة في رمضان إلى العمل والإنتاج

طالب الشيخ خالد الجندى، عضو المجلس الأعلى للشئون الإسلامية، المسلمين الانتقال من الشعائر الدينية التي كنا نفعلها خلال شهر رمضان، إلى الشعائر الإنتاجية، مضيفا: "مش عيب انى اطلب منكم الطلب ده، اننا ننتقل بعد رمضان إلى الشعائر الانتاجية، كل شخص يؤدى دوره لزيادة الإنتاج".
اقرأ أيضا.. خالد الجندي: الإخوان يسعون إلى تغيير المواريث بالتزوير والتحريف (فيديو)
وأضاف الجندى، خلال برنامجه "لعلهم يفقهون"، المذاع عبر فضائية "dmc"، اليوم الخميس: "تعالى شوف
بعد العيد، هتيجى تطلب أى صنايعى، مش هتشوفه الا بعد شهر، ليه عشان بيعيد، واحنا بنقول لهم من كان يعبد رمضان فقد فات، والله باق".
وتابع: "ليه الناس تسيب اشغالها وتقعد وتقول عشان رمضان، وفى نوعية تانى بتنفق وبتصلى وتتصدق، فى رمضان وبعد رمضان مفيش حاجة بيعملها.. عاهدوا الله انكم تواصلوا ما كنت تفعلوه
فى رمضان من صدقات وزكاة وصلاة".
وأشاد الشيخ خالد الجندى، عضو المجلس الأعلى للشئون الإسلامية، بافتتاح الرئيس عبدالفتاح السيسي، لمسجد سيدنا الحسين، أمس الأربعاء، مؤكدًا أنه يعتبر رد عملى على جماعات الإرهاب التى تردد الأكاذيب والفتن، حول غلق المساجد، وعدم فتحها لصلاة التهجد والتراويح.
"اهو أدى الرد على اللى بيقولوا المساجد اتقفلت ومفيش تهجد ولا تراويح.. الله أكبر، مسجد الحسين، أصبح ساحة عالمية، شوفتم مشهد سجود الرئيس، بجانب المنبر فى خشوع وسكينة، وكل ده ويجى واحد يقولك الإسلام فى مصر ينهار، ده تعرفه انه من أهل الفتنة".