شهدت أسعار الذهب ارتفاعا كبيرا، ووصل سعر جرام الذهب عيار 21 خلال الساعات الماضية إلى 1015 جنيها، وزادت موجة من السخرية بين الشباب المقبلين على الزواج فى تعليقاتهم على صفحات السوشيال ما بين الغاء فكرة الزواج ،وآخرون بالغاء الذهب او استبداله بالفضه . اقرأ ايضًا :- بعد ارتفاع أسعار الذهب.. اقتصادي للمواطنين: أوقفوا التعاملات لحين استقرار الأوضاع وسخر عدد من رواد مواقع التواصل الاجتماعي، من ارتفاع اسعار الذهب، منهم من مزح عن طريق فسخ الخطوبة والاستفادة من زيادة أسعار الذهب بمقولة " خلاص هنبيع الذهب ومش هنفكر فى الجواز تانى " . ورصدت بوابة الوفد آراء عدد من الشباب بمواقع التواصل حول ثقافة الزواج بعد ارتفاع اسعار الذهب. وقال يحي السحيتى " ان الموضوع مش دبلة ومحبس الجواز موده ورحمة ولازم فى مجتمعنا اننا نغير فكر الدهب بسبب الاسعار واننا كشباب مش هنكون قادرين اننا نشترى بالاسعار دى ، ولان الدهب مش اكل وشرب ممكن نفكر اننا نستبدله بحاجه تانيه كنوع من انواع هدية الجواز ولابد ان الثقافة دى تتغير فى مجتمعنا ككل لان اول ما تدخل تخطب اول سؤال بتسمعه هتجيب شبكة بكام ؟ ". وفى سياق متصل قالت منى " دى ثقافة مجتمعنا ولازم اللى يتجوز من الاول يكون قادر على شراء الدهب او تكاليف الجواز واللى مش معاه مش لازم يتجوز لان لو مش قادر على المصريف من البداية مش هيقدر يفتح بيت او يصرف على اسرة ، الدهب اسعاره بتزيد اكيد صعب على الشباب بس مش لازم انه يشترى غرامات كتير ممكن يشترى حاجه بسيطه كنوع من انواع الهدية الخطوبة ، الاهلى بتقدر ان الدنيا فيه غلاء وبيقدروا ده مع الشاب اللى بيفكر يتجوز ". وقالت سمر محمود " يسروا ولا تعسروا ممكن الناس تحاول تغير فكرة الدهب من الجواز ويستبدلوا باى حاجه تانيه زى الفضة لان اسعارها ممكن تكون مناسبة شوية وهتبقى هدية جميله بدل الاسعار الدهب اللى الشباب مش هتقدر عليها وتبقى الدنيا ابسط شوية ". وقال سامى حمزة " انا خلصت بعد الاسعار دى هشيل فكرة الجواز من دماغى هكمل عازب واهو بردو بدل ما افكر اتجوز ومصريفى تزيد لا انا احوش فلوسى وتبقى على قدى ، انا مش حمل ان افتح بيت بعد الاسعار دى اصل مش هتشرى الدهب بالسعر ده لان اول طلب لما تروح تخطب الشبكه هتبقى بكام ، دلوقتى فى ناس مبتجبش دهب وبتكتبهم فى القيمة كغرامات ويبقى حق من حقوق الزوجة فى الآخر ". طالع المزيد من الأخبار على موقع alwafd.news