‮إخص عليكم‮ يا أهل الثورة‮.. آخر إبداعات بهلول الفيس بوك‮!‬

نشر البهلول المصري‮ في‮ صفحته علي الفيس بوك،‮ أبياتاً‮ شعرية جديدة،‮ يوجهها للمواطنين الرافضين محاكمة مبارك بدعوي أنه مريض وسنه كبرت‮.‬
وقال البهلول وهو شخص مجهول‮ يدعي‮ أنه‮ يعيش بالخارج‮:‬
إخص عليكم‮ يا أهل الثورة
تحبسوا حسني
مين راح‮ يمسح دمعتي‮ غيره
و الله الراجل كتر خيره
قضي‮ حياته ناسي‮ ضميره
جابلنا فتحي‮ وعز وغيره
لجل ما‮ ينهب وطني‮ وخيره
واجب بردوا نرد جميله
بس عشان خاطري‮ يا رجاله
قدرو بردو ظروف الحالة
لو علي حبسه خلاص ناويين
خليكوا دايما كده فاكرين
ان الراجل قلبه مريض
خلوا علاجه م التأمين
دم ملوث مع فيتامين
ياما اداهم للمساكين
واجب بردو نرد جميله
أصل الراجل‮ ياما دلعنا
لو كان‮ يقدر كان ولعنا
شاري‮ خاطرنا و عمره ما باعنا
علمنا نحج في‮ أمريكا
طول عمره صاحب بولتيكا
ولا عمره بتهزه دموعنا
واجب بردو نرد جميله
نحبسه بس و الله ده ظلم
مين حيطبب قلب الأم
اللي‮ ضناها جالها قتيل
مين حيطبب قلب الأم
اللي‮ ضناها مرمي‮ عليل
بيعاني‮ السرطان و الويل
ده جمايله كتيرة ما تتعد
تتخطي‮ المعقول والحد
بصراحة تعبت من العد
اخص عليكم‮ يا أهل الثورة
نحبسه بس‮.. والله ده ظلم