في يومها الثالث.. "طالع موضة" لمحمد حماقي تحتفظ بصدارة يوتيوب

بأكثر من مليون مشاهدة

ما زالت تحتفظ الأغنية الجديدة "طالع موضة"، للفنان محمد حماقي بصدارتها في قائمة الأكثر مشاهدة على "يوتيوب الموسيقي"، وذلك لليوم الثالث من طرحها.
اقرأ أيضًا.."طالع موضة"..أحدث أغاني حماقي (تفاصيل)
تفاصيل أغنية طالع موضة
سجلت الأغنية أكثر من مليون و 200 ألف مشاهدة، من كلمات: تامر حسين، ألحان:تامر علي، توزيع:أحمد إبراهيم، وتقول كلماتها"تيجي سيرتها قلبي يدق، أديني قلت كلمة حق دي حبيبة قلبي ديا .. وماله ما تتدلع عليا لو أنا منها يعني أتغر، ياما عليا عدّى ومَر ومشفتش أحلى منها، عيونها الحلوة مميزينها ده جمالها طالع موضة براءتها مش موجودة ماعرفش جايبة الجمال ده منين ده جمالها طالع موضة براءتها مش موجودة وفي الرقة مش هتلاقي اتنين تيجي سيرتها قلبي يدق أديني قلت كلمة حق دي حبيبة قلبي ديا .. وماله ما تتدلع عليا عليها رمش زي السهم وضحكتها أصلاً وهم دي اللي مافيش فيها غلطة تجنن .. من الآخر دي فلتة ياما قصادها أنا اتوترت وياما في الكلام كتّرت علشان تفضل شوية بتمشي وقلبي يلوم
عليا ده جمالها طالع موضة براءتها مش موجودة ماعرفش جايبة الجمال ده منين ده جمالها طالع موضة براءتها مش موجودة وفي الرقة مش هتلاقوا اتنين تيجي سيرتها قلبي يدق أديني قلت كلمة حق دي حبيبة قلبي ديا وماله ما تتدلع عليا".
"طالع موضة"، هي الأغنية الرابعة من ألبوم "يافاتنّي"، والذي بدأ حماقي في طرحه بشكل تدريجي منتظم في ال 5 من أغسطس الجاري.
كلمات أغنية تك محمد حماقي
يذكر أن أحدث إصدارات حماقي من "يافاتنّي"، كانت من خلال أغنية "تَك"، والتي سجلت أكثر من 3 ملايين و 200 ألف مشاهدة عبر موقع الفيديوهات الشهير "يوتيوب"، وتحتفظ بالمركز الخامس في قائمة الاكثر مشاهدة على "يوتيوب الموسيقي".
من كلمات أمير طعيمة، ألحان:عمرو مصطفى، توزيع:توما، وتقول كلماتها" حبيبي داس على قلبي تك وأنا يا ناس كده ع المحك ومابقاش في عندي شك خلاص ملكني
هواه ده أنا مشيت علشانه عكس على زمان علمت اكس ولو اعيش وياه في حبس هقول دي أحلى حياة بدوب ادوب ادوب من عينيه وانسى روحي بين إيديه قلبي داب م اللي اسمه إيه وخلاص مسلّم ليه حبيبي داس على قلبي تك وأنا ياناس كده ع المحك ومابقاش في عندي شك خلاص ملكني هواه أنا زمان كان عندي كبر مابمشيش للحب شبر ليه مابقاش كده عندي صبر وليل نهار بناديه ياما سنين عِشت في قلق قابلته الموضوع فرق كده خلاص لموا الورق ده مافيش كلام بعديه بدوب ادوب ادوب من عينيه وانسى روحي بين إيديه قلبي داب م اللي اسمه إيه وخلاص ملكني هواه".
تفاصيل حفل حماقي بمدينة العلمين
وعلى صعيدٍ آخر، أحيا حماقي، مساء الجمعة الماضي، حفلاً غنائيًا ضخمًا بمدينة العلمين في السحل الشمالي، وشهد حضور كامل العدد من محبيه، واستمرت وصلته الغنائية لمدة ساعتين، قدم فيها باقة غنائية مميزة خاصةً الإصدارات الجديد من ألبوم "يافاتنّي"، وهم "زيها مين، تك، لوهتسي، طالع موضة"، واستخدم في الحفل تقنية 3D على المسرح للمرة الاولى في مصر، حيث تم عرض مجسم ضخم للبوستر الرسمي للألبوم على مسرح الحفل وسط إضاءات وديكورات مميزة له.
اقرأ أيضًا..قبل (طالع موضة).. حماقي يسجل مشاهدات قياسية بأغانيه الثلاث من ألبوم "يافاتنّي"
للمزيد من أخبار الفن..اضغط هنا