بعد إيقاف برنامجها .. ريهام سعيد تعلن مرضها في بث مباشر.. (فيديو)

أعلنت الإعلامية ريهام سعيد، إصابتها بمرض السكري، خلال فيديو بث مباشر عبر حسابها الرسمي على موقع التواصل الاجتماعي "فيس بوك".
اقرأ أيضًا .. ريهام سعيد تعلن أسباب وقف برنامجها "صبايا الخير"
وقالت "سعيد" خلال الفيديو : "كنت دايمًا بتكلم عن الصحة وأقول أنها أهم حاجة، وطلع الصحة مربوطة بالحياة اللي أنت تختارها، طلعت تحاليلي مافيش أوحش من كده والحمدلله، وهو من التحاليل اللي ضايقتني أوي بخصوص السكر.
وأضافت، أنا اكتشفت أن جالي سكر ودي حاجة لا ألوم عليها حد غير نفسي، لأن أنا اللي حملت
نفسي فوق طاقتي وكنت دايما بقول أن ربنا مش بيدي حد حاجة غير على قد طاقته.
وتحدثت، السكر للأسف حاجة بشعة ولازم تحارب وما تاكلش وما تزعلش ودي حاجة صعبة أوي وسط اللي بنعيشه حاليا، لأن إحساس الظلم أكتر حاجة بتوجع وبتضايق، وعايزة أنصحكم ما تجوش أبدًا على نفسكم ومفيش حاجة مستاهلة؛ لأن كله بتدابير ربنا، وأهم حاجة لو ليكم أعداء زي ما الرئيس قال: لما تكون عايز
ترد على منتقديك ما تقعدش ترد على كل واحد ".
وتابعت، طول عمري مكرسة نفسي إني أساعد الآخرين، لكن أول مرة أبقى مكلفة إن أنا اللي بتعالج، وقضيت 20 سنة أخلي بالي من الناس ومن شغلي ومن أقاربي وعائلتي، لكن جاء الوقت اللي أخلي بالي فيه من نفسي.
وقالت "سعيد " عندي النية إني أبقى ناجحة أكتر، ولكن أنا كنت عاطفية أوي وأرد بسرعة وعايزة أجيب حقي لكن خلاص مش هضيع عمري علشان معنديش حد يربيلي عيالي، فعلى الأقل أقف جنب ابني وأنا بصحة كاملة، كل واحد ضايقني ربنا يسامحه ويديله على قد نيته، وأدعو الناس اللي عندهم سكر أنهم يحافظوا على صحتهم قدر الإمكان.