تعرف على الإجراءات الأمنة قبل السفر للخارج

يتعرض المتغربون المصريون للعديد من المشاكل خاصة منها الامني عند الوصول لاي دول أجنبية في ظل حالة عدم الوعي بقوانين السفر والهجرة وحقوق المغترب سواء قبل السفر أو بعده وتناشد وزارة الهجرة وشئون المغتربين المصريين في الخارج الإلتزام بالقوانين حتى لا يتعرض المواطن لآي قضية خارج الوطن
وتنشر "بوابة الوفد" الإجراءات التي يجب على المواطنين الأخذ بها قبل السفر
ما هي الخطوات المطلوبة قبل السفر
حدد أحلامك وأفكارك
اعرف الدوافع ومثيرات الاهتمام بالهجرة
جمع معلوماتك
اعرف طرق الهجرة الآمنة
احسب المكاسب والخسائر المترتبة على قرار السفر
خد قرارك
ما هي الخطوات التي تلي القرار بالسفر؟
التعامل مع السفارات
التدريبات المطلوبة
نصائح الاستعداد للرحلة
الارشادات الواجبة ( إفعل & لا تفعل)
الاندماج في المجتمعات المضيفة
هناك طرق كتير آمنة ممكن تسافر بيها للبلد اللي انت عاوز تروحها
السفر للسياحة
ممكن تاخد تأشيره سياحه للبلد اللى انت عاوز تروحها، بس لازم تاخد بالك ان تأشيرة السياحه بتبقى مدتها محدده حسب قوانين كل دوله يعنى لو قعدت فى البلد مده أطول من المسموحه هتتحول لمهاجر غير شرعى وتترحل أو تتحبس، وليها شروط ونظم لازم تتبعها وانت بتقدم عليها في السفارة وكل الشروط دي موجودة دايما على موقع السفارة او على باب السفارة اللي انت عاوز تسافر ليها
السفر للدراسة
لو انت عاوز تكمل تعليمك او تدرس مهنة في نظام التدريب المهني التابع لاي دولة، لازم تعرف ان شرط اساسي لقبولك في الدراسة عندهم انك
تكون بتعرف لغتهم يعني لو ايطاليا لازم تعرف لغة ايطالية لو فرنسا لازم تعرف لغة فرنساوي لو امريكا لازم تعرف انجليزي، وبرضوا لازم تعرف ان ليها شروط وطرق تقديم في السفارة ممكن تلاقيها على موقعهم على الانترنت او على ابواب السفارة نفسها، وممكن تتواصل معاهم بالتليفون عن طريق خدمة الخط الساخن بتاعهم
السفر للعمل
إحنا إتكلمنا عن نظام العمل في الخارج وعرفنا نظام العمل بس انت عارف ازاي تقدم عشان تاخد تأشيرة عمل في سفارة اي دولة ولازم توضح فى طلب التأشيره نوع العمل ايه ؟ يعنى مستقل ولا موسمى ولا دائم ؟ وكل دولة ليها شروط ونظم لازم تكون موجوده عندك.
خلي بالك ....
لازم يبقى معاك عقد عمل صحيح
لازم تكون بتعرف لغة البلد اللي هاتسافر ليها على الاقل مستوى متوسط
لازم يكون معاك مهنة وشهادة خبرة في المهنة دي ( لو انت داخل البلد على اساس انك عامل تابع لشركه او شخص آخر)
إرشادات عامة
الإرشادات والخطوات على المصريين فى الخارج اتباعها، حال تعرضهم لأى مشكلة، خلال عملهم بالخارج أو إقامتهم خارج الوطن، وذلك حتى يضمنوا حقوقهم ويحصلوا عليها بالطرق القانونية وذلك وفقا لما يلى:
1 – إذا كان التمثيل القنصلى المصرى قريب من مقر إقامتك بالبلد التى تقطن بها بالخارج فعليك أولا الذهاب للقنصلية والتواصل مع القنصل العام لبحث مشكلتك.
2- التواصل مع أقاربك بمصر وإخبارهم بطبيعة المشكلة إذا كان مقر التمثيل القنصلى بعيدا عن مقر إقامتك.
3- إذا كانت المشكلة تتعلق بمكان عملك بالخارج تواصل مع مكتب التمثيل العمالى هناك.
4- التواصل بالخط الساخن للشكاوى "19787" بوزارة الهجرة ويتواصل معك فريق عمل متخصص بالوزارة لحل المشكلة.
5- التواصل بوزارة الهجرة عن طريق الأرقام التالية :من خارج مصر "(00202)33036436، ومن داخل مصر "(02)33036436"، والفاكس :33036437، وعلى الإيميلEmail: [email protected]
6- يتلقى الخط الساخن للشكاوى "19787" بوزارة الهجرة كافة الاتصالات للمصريين بالخارج من الساعة 9 صباحا حتى الخامسة مساءً عدا أيام الجمعة والسبت.
7- خط الشكاوى لوزارة الهجرة على اتصال بكافة الجهات ومؤسسات الدولة ولديه قائمة بالمحامين بالدولة العربية لتوفير الدعم القانونى للمصريين بالخارج.
إزاي تتعامل مع السفارات ؟
بمجرد ما تجهز كل الاوراق المطلوبة منك للحصول على تأشيرة الدولة اللي أنت رايحها في خطوات لازم تعملها
احصل على موعد لمقابلة في السفارة
معظم السفارات متعاقدة مع شركات المحمول او شركات الكول سنتر برقم مختصر تتواصل بيه عشان تطلب ميعاد وطبعا لازم ده قبل السفر على لاقل بمدة توصل لأربع شهور على الأقل.
وانت بتطلب الموعد لازم تحدد نوع التأشيرة اللي إنت عاوزها وميعاد سفرك إيه.
تروح قبل الموعد
لازم تكون ادام السفارة قبل الموعد بنص ساعة على الاقل لانهم بينادوا على الاسماء اللي محدد لهم زيارة في اليوم ده، وخلي ورقك دائما جاهز ومصور نسختين منه.
اول ما تدخل السفارة
لازم تكون مبتسم وبشوش في السفارة خصوصا لما بيسألك موظف الشباك على بعض المعلومات ومهم جدا ان ردك يكون جاهز وبكل هدوء حتى لو هناك أي أسئلة مكررة.