جماهير على تويتر تطالب بضم طارق حامد في الأولمبياد

نجح المنتخب المصري تحت 23 عامًا في التأهل لأوليمبياد طوكيو العام المقبل ولنهائي أمم أفريقيا تحت 23 عامًا، بعد أن اكتسح نظيره جنوب أفريقيا بثلاثية نظيفة بستاد القاهرة في نصف نهائي البطولة.
الأهداف جاءت عن طريق رمضان صبحي من ضربة جزاء وعبدالرحمن مجدي هدفين متتاليين في الدقائق 58 و85 و90.
بهذه النتيجة يلاقي المنتخب الأوليمبي كوت ديفوار يوم الجمعة المقبل على كأس البطولة بينما تلتقي جنوب أفريقيا مع غانا لتحديد صاحب بطاقة التأهل الثالثة للأوليمبياد، وعقب المباراة فُتح نقاش على موقع التواصل الاجتماعي "تويتر" حول من المستحق في المشاركة في
الأولمبياد من اللاعبين الاكبر من السن المحدد، فتسمح اللجنة الأولومبية بمشاركة ثلاثة لاعبين فقط.
حيث دياب قال "هيثم فاروق بعد الماتش بيقول صعب ليفربول تسيب محمد صلاح يروح طوكيو مع المنتخب الاوليمبي .. بغض النظر عن الكلام ده انا شايف ان التلاته اللي لازم يبقوا موجودين هما الشناوي - طارق حامد – صلاح".
كما قال مشجع أخر "مع رجوع نيدفيد ومحمد محمود هيفرقوا جدا والاهم من كل ده ان محمد عبد السلام ده ميلعبش تاني".
اما محمد حسام فعلق "طارق حامد واي اتنين معاه ومبروك علينا الاولمبياد"، أما إيسو فغرد "الشناوي... طارق حامد... محمد صلاح، هما اكتر تلاته يستحقو يروحو مع المنتخب واللي عايز يعاركني أنا جاهز".
أما رنا مودي فقالت "طارق حامد الاسد المحارب"، عمرو الهواري علق "الثلاثة الي يروحو طوكيو الشناوى و طارق حامد و حجازي خلي صلاح مع ليفربول مش عاوزينة".
أما وكيل اللاعبين عبد الرحمن مجدي، فقال " قصة ال 3 لعيبة اللي هايروحوا المنتخب الأوليمبي لازم يحسمها الاحتياج، مش مين كويس ف يروح.. اللي مخليني ماختارش طارق حامد هو وجود أكرم توفيق بالفورمة دي، زي ما رمضان أحق من تريزيجيه.. لكن بالتأكيد صلاح يفرق و الدفاع محتاج و الشناوي مع مستوى المباريات الأعلى يفرق جداً".