شاهد.. روجينا: كنت بغير من النقابة بس فهمت

استعادت الفنانة روجينا شريط حياتها مع زوجها الدكتور أشرف زكي نقيب المهن التمثيلية، منذ بداية زواجهم وكيف كان يتفاني في عملة ويعطي من وقته للنقابة، رغم أن ذلك كان يثير غيرتها، إلا أن حب الناس فيما بعد جعلها تقدر الدور الكبير الذي يقوم به كنقيب للممثلين وتفخر به.
كتبت روجينا عبر حسابها الرسمي بموقع تبادل الصور والفيديوهات الشهير "إنستجرام": "ما انا كنت صغيرة ومش فاهمة وبحبة وانانية وعايزاة جنبي باستمرار وكانت كل مشكلنا أول الجواز انت بتفضل النقابة عليا.. يعني ممكن يلغي معاد مهم ليا عشان رايح مستشفى أو بيحل مشكلة فى تصوير
او فية واجب عزاء، لغاية ما ربنا حب يعلمني او يأدبني اويربيني ماهو تربيتة اعظم تربية فيحصلى حادثة موت واقعد فى المستشفى أربعين يوم ما هونش عليا غير أهلي والناس وزميلي ووقفهم جنبي".
وتابعت: "مكنش فية حاجة اسمها وقت زيارة الناس على طول موجودة واللة على جبر الخاطر والناس بتطبط عليك وانت فى اشد الاحتياج لدا.. الناس دى ماكنش بتجيلى انا، كانت بتيجى لاشرف لانها كانت بترد اللى بيعمله معاهم، لان هو كل سعادتة فى الدنيا وهو
بيساعد حد وهو واقف جنب حد وهو بيواسى حد وهو بيحل مشكلة لحد وعمرة مافرق بين كبير وصغير".
وأخير ًا قالت: "من ساعة الدرس دا اتعلمت ان في حد في الدنيا يبقى هو الأمان، السند، هو دا اللى هكلمه اول مايحصلي حاجة دا نقيبى اشرف ذكى، واتعلمت كمان ان اللي بيعملوا اشرف جوزي هيترد ليا انا وبناته، وهيبقى فى ميزان حسناتك هعيش انا وبناتك فخورين بيك ياحبيبى ربنا يحفظك لنا ويديك الصحة وطولة العمر".
جدير بالذكر أن آخر مواقف الدكتور أشرف زكي المشرفة كانت استقبال واجب العزاء في الفنان الراحل هيثم أحمد زكي، الذي أقيم مساء الأمس، داخل مسجد الشرطة في مدينة السادس من أكتوبر، وذلك إلى جانب رامي عز الدين بركات، الأخ غير الشقيق للفقيد، وعدد من نجوم الفن.