سيتم حجب هذه الصورة تلقائيا عندما يتم الإبلاغ عنها من طرف عدة أشخاص.
نجوم الفن يوجهون رسائل شكر لأشرف زكى بعد مجهوداته فى جنازة هيثم أحمد زكى.. عمرو يوسف: الرجل الذى لا ينام.. الرداد: ضهر حقيقى لنا كلنا.. ماجد المصرى: نعم الأب والأخ و الصديق.. ومحمد رمضان: يتصدى لأى أزمة
حرص عدد من نجوم الفن، على توجيه رسائل شكر، للفنان أشرف زكي نقيب المهن التمثيلية، لمجهوداته الجبارة وعلى وقوفه دائمًا في الصفوف الأولي في اي شدة يمر بها أبناء نقابة المهن التمثيلية وعلى موقفه مع الفنان الراحل هيثم أحمد زكى وحرصه منذ اللحظة الأولى على تذليل كافة العقبات سواء باستلام الجثة حتى الدفن ثم دوره فى العزاء. وكتبت الفنانة دنيا سمير غانم عبر انستجرام، قائلة: "أنا بشكر حضرتك جدا، مش بس عشان موقفك مع أخونا هيثم أحمد زكي الله يرحمه لكن عشان مواقف إنسانية كتير جدا كلنا شفناها من حضرتك علي مدار سنين طويلة هي حقيقي طالعة من قلبك مش بس عشان منصبك كنقيب مبيفرقش بين فنان كبير أو صغير، أنا حبيت أكتب البوست ده عشان أشكرك علي مجهودك، وإخلاصك وأنا حقيقي فخورة بحضرتك، ومتأكدة إن ده نفس إحساس كل زملائي.. شكرًا جدًا"، ومن جانبها علقت الفنانة روجينا على رسالة دنيا قائلة: " حبيبتى يادنيا شكرا على كلامك دا ربنا يديله الصحة ويفضل سند لنا كلنا". كما عبر الفنان محمد رمضان، عن فخره بما يقوم به الفنان أشرف زكي عبر حسابه علي انستجرام، وكتب رمضان قائلا: "هذه الصورة بعد عزاء صديقى النجم هيثم احمد زكي رحمة الله عليه، كان لا بد أن أشكر نقيبنا العزيز دكتور أشرف زكي على وقوفه دائمًا فى الصفوف الأولى فى أى شدة يمر بها أى من أبناء نقابتنا، شكرًا أخي الكبير ونقيبي ودكتوري بالمعهد العالي للفنون المسرحية ورئيس أكاديمية الفنون دكتور أشرف زكي"، وعلقت روجينا على بوست محمد رمضان قائلة:" شكرا يامحمد ياغالى ربنا يديلة الصحة وطوله العمر ويفضل السند". وكتب الفنان ماجد المصرى، رسالة شكر للفنان أشرف زكى، قائلا: "كل الشكر والتقدير والاحترام للدكتور أشرف زكي ونعم الأب والأخ والصديق". بينما فال الفنان عمرو يوسف:"دكتور أشرف زكى الرجل الذي لا ينام .. الحقيقة مفيش كلام يتقال يوصف جدعنة و رجولة الراجل ده مجهود و محبة و دعم للصغير قبل الكبير الحقيقة سند و ضهر و موجود لأي حد في اي وقت ، مش بس وقفته مع هيثم احمد زكي بس وقفته مع اي حد يحتاجه ، تليفونه مفتوح 24 ساعة ، شكراً يا حبيبنا يا محترم". فيما كتب الفنان حسن الرداد، قائلا:" الاستاذ المحترم دكتور أشرف ذكى، مش عارف أشكر حضرتك أزاي على جدعنتك و مواقفك الإنسانية الصادقة مع كل الفنانين على مدار سنين طويلة انا شاهد على كتير قوى منها و آخرهم اخونا المغفور له بأذن الله هيثم احمد زكي ، كنت واقف كأب و صديق و اخ بكل حب و صدق مش عشان منصبك كنقيب لكن عشان حضرتك راجل محترم و جدع و ضهر حقيقى لنا كلنا ، حقيقى انا فخور انى انتمى لنقابة حضرتك نقيبها و فخور انى اعرف حضرتك و انك استاذى ،ربنا يكرمك و يوفقك و يديك الصحة، شكرا استاذى العزيز". أما الإعلامية إنجى على، فكتبت: "الدكتور اشرف ذكى الاخ والصديق وعشرة السنين حقيقي من الشخصيات المحترمة والجدعه اللى الواحد لازم يقولها مش عارفه اتكلم عن ايه ولا ايه من مواقف كتير مع كل الناس فى حزنهم وفى فرحهم وفى مشاكلهم فى اى وقت تليفونك مفتوح للناس كلها اللي أنا شايفاه دلوقتي من كمية الحب والاحترام والتقدير اللي الممثلين بيتكلموا فيه عنك وعن شهامتك وجدعنتك معاهم فى مواقف كثيرة ، وأخر موقف وقوفك مع الفنان الراحل هيثم أحمد زكي الله يرحمه ،يؤكد فعلا إن يابخت الممثلين فعلا بنقيب زى اشرف ذكى ، ياريت يكون في نقيب زي حضرتك عندنا كإعلاميين رجل الموقف المخلص شكرا دكتور اشرف ذكي". وقالت الفنانة إيمى طلعت زكريا، فى رسالتها: "الراجل شغال دينامو بجد ربنا يجازيك خير على كل حاجه حلوه بتعملها مش بتلحق ترتاح كل يوم تفقد حد عزيز وعارفه انك مقصرتش ولا بتقصر وكنت صاحب وعشره عمر ودراسه ومعهد مع بابا مش علشان كده بس انت فعلا إنسان خلوق يادكتور ويابخت نقابتنا بيك مفيش كبير او صغير احتاجه وملقهوش وربنا يحفظك يارب". إنجى على
