تداول نشطاء مواقع التواصل الإجتماعي فيديو للمطرب عمرو دياب، يهاجم أحد جمهوره ويدعى عمرو رؤوف خلال الحفل المقام بالامس فى جامعة مصر الدولية، وذلك بعد مطالبته للهضبة أكثر من مرة غناء "قال فاكرينك". وقال الهضبة في لهجة حادة: "والله ما هقولها، أنت لو قعدت 100 سنة تطلبها والله ما هقولها، أنت هتمشيني على مزاجك، مش عاوزها، أنت غريب أوي.. لو كنت عاوزها كنت نزلتها في الألبوم، وأنا مش عاوزها، مزاجي مش عاجبك متسمعنيش". ومن جهة أخرى قام "رؤوف" بتوضيح سوء التفاهم الذي حدث خلال الحفله وأغضب جمهور الهضبة من الأخير وكتب قائلًا " مساء الخير عليكو جميعاً.. بناءاً على طلب ادمن الجروب بحب اوضح اللي حصل في الحفلة". وتابع "كان بيغني عادي جدا وصرخت 3 مرات غني قال فاكرينك وهو جات عينه في عيني وضحك ولما قولتها المرة الرابعة ضحك وقالي الكلام ده وهو بيضحك وبيهزر ولما شفته بيتكلم وهو بيضحك وبيهزر ضحكت وشافني لما ضحكت وعرف اني مزعلتش.. بتمنى من الجميع محدش يزعل منه بس الفيديو مش واضح هو بيضحك ولا مكشر.. شكرا". وتفاعل جمهور عمرو دياب مع منشور رؤوف معبرين عن إعجابهم بجرائته لتوضيح سوء التفاهم الذي حدث حتى لا يغضب أحد من عمرو دياب.