ألتراس أهلاوى :"حق إخواتك مش هيضيع"

وجه جروب ألتراس أهلاوى نداء الى أعضاء الرابطة والجماهير عبر موقع التواصل الاجتماعى "فيس بوك" من أجل حشد اكبر عدد منهم قبل وقائع أولى جلسات محاكمة المتهمين فى أحداث مجرزة بورسعيد والمقرر لها الثلاثاء القادم بأكاديمية الشرطة بالتجمع الخامس.
وقال ألتراس عبر البيان الذى نشره اليوم الأحد:"
بسم الله الرحمن الرحيم
"وَلَكُمْ فِي الْقصَاصِ حَيَاةٌ يَا أُولِي الْأَلْبَابِ "
صدق الله العظيم
يوم الثلاثاء القادم الموافق 17-4-2012 أولي جلسات محاكمة المتهمين في أحداث بورسعيد في أكاديمية الشرطة بالتجمع الخامس..
الجروب وكل جمهور النادي الاهلي وكل أحرار مصر هيبقوا موجودين عند المحكمة لازم نقف جنب أهالي اخواتنا ومنحسسهمش انهم لوحدهم اولاً...
وعشان نجيب حق اخواتنا وموجودين لآخر نفس فينا لحد ما نجيب حقهم
تعالي وهات معاك اي حد تعرفه والدك - والدتك – اخوك - اختك - صحابك - جيرانك
لازم يعرفوا ان القضية مش مجرد قضية قتل مع سبق الإصرار والترصد بس لأ دي قضية شعب بالكامل ولازم يتحكم فيها بكل عدل وفي أسرع وقت
مش عاوزين ننجر ورا اى استفزازات لأن فى ناس هتحاول تبعدنا عن الهدف الرئيسى اللى هنكون موجودين عشانه وهو حق اخواتنا
حط حق اخواتك قدام عينيك ومتخليش اي حد يستفزك لأن هو موقفه ضعيف وهيحاول يعمل معاك أي مشاكل فلازم متديش لأي حد فرصة لكده
واحنا مستعدين وقادرين اننا نحمى أهالي المتهمين في بورسعيد اللي هيجو والقضاه
التجمع هيبقي في المناطق وكل منطقه هتجيب اتوبيسات وهنتجمع كلنا عند المحكمه".
التجمعات في المناطق هتبقي الساعه 8 صباحاً يوم الثلاثاء
وكل واحد جي يعمل حسابه فى 10 جنيه عشان المواصلات وكل المناطق تبقي قدام المحكمه الساعه 10 صباحاً ..
اهم حاجة الالتزام بسلمية اليوم والالتزام بتعليمات الناس المسئولة
رحم الله شهداءنا وإن شاء الله حقهم هيجى
المجد للشهداء"