ألتراس المصري يندد بظلم العدالة ويستعد لوقفة احتجاجية غدا

قررت رابطة مشجعي النادي المصري البورسعيدي عمل وقفة احتجاجية غدا بسبب الظلم من العدالة على حد وصفهم على صفحة الرابطة في موقع التواصل الاجتماعي الفيسبوك.
وأكدت الرابطة انها مع العدالة لكنها ستقف بشدة ضد الظلم الواقع على بعض الاشخاص الذين تم القبض عليهم جراء المجزرة التى راح ضحيتها أكثر من 70 شخصا وإصابة المئات في الاول من فبراير الجاري على استاد بورسعيد عقب لقاء المصري والأهلي في الدوري المحلي .
وفيما يلي بيان ألتراس المصري البورسعيدي:
" الساكت عن الحق شيطان أخرس ! إخواتنا مظلومين !..انتظروا أكبر تجمع للجروب وأهالي المظلومين !
كل الناس عايزة تشارك فى الوقفة يوم السبت ... وأهالي الناس هتشارك .. أخوك وأخويا مظلومين قف جنبهم
الناس فى التحقيقات ملقوش عليهم حاجة ولا أدلة إتهام .. وأخدوا 15 يوم !!؟
لسه فيه ظلم وبنأكد تاني إن احنا مش ضد العدالة ولكننا ضد الظلم !
بلغوا بعض يا رجالة والتجمعات هتنزل على الصفحة بكرة بليل لكل المناطق ..أهم وقفة لاخواتنا انشاء الله .. إحنا معناش سلطة ولا إعلام .. معانا الأكبر منهم كلهم (الله)
ومتنسوش بكرة الجمعة التجمع الساعة واحدة أمام المقصورة الرئيسية.
كان ألتراس المصري قد نشر على صفحته امس الخميس رسالة يؤكد خلالها ان الشباب البورسعيدي الذين تم القاء القبض عليهم مظلومون ولا يستمع اليهم احد في ظل الهجمة الشرسة التى تتعرض لها المدينة الساحلية عقب المذبحة.
وفيما يلي البيان :" انشاء الله التجمع بعد صلاه الجمعه الساعه 1 عند الاستاد ياريت كله يبقى موجود لأن الناس اللى بيتحقق معاها دلوقتى مخدتش حقها فى ان حد يسمعها و بالعقل كده زى بيقولوا لو ده مخطط عشان ناس قالت لأ يبقى ده مخطط عشان يخلصوا من ناس بالموت و ناس تدخل السجن و يبقوا ضربوا عصفورين بحجر لأن الناس دى بردوا قالت لأ و قالت يسقط حكم العسكر لكن احنا عايشين فى دوله الظلم و كأن بلدنا مش لينا و الثوره اللى مات فيها مننا ناس... ملناش حق فيها بس اللى انا عارفه و متأكد منه ان الناس دى فوق مستوى الاحترام عشان كلهم فى كليات و منهم مهندسين و دكاتره و ناس فى ثانويه عامه كان المفروض انها بتملأ استمارات الرغبات دي الوقت و ياريت كل واحد يفتكر الناس الكبيره بتاعت الجروب ده كانت بتعمل ايه افتكر وانت عايز تطلع ترحال و مش معاك فلوس و انت مسافر و مش معاك تشترى أكل مين كان بيدفعلك و بيوقف جنبك حتى بعيد عن الكوره مين اللى كان بيوزع شنط رمضان .. انا متأكد اللى يعمل كده انسان بجد و كلنا عارفنهم كويس الناس دى دلوقتى لوحدها ضد دوله من الظلم و عالم من النفاق و معهمش حد الا ربنا عشان كده احنا مش هنسبهم ."