هاشتاج "طايع" يتصدر توتير.. ونشطاء: هناخد حق مهجة من حربي

كتبت - سلمى محمد:
تصدر هاشتاج مسلسل "طايع" قائمة الأكثر تداولًا على موقع التدوين العالمى "توتير"، بعد عرض الحلقة ال"18" بالأمس، التى كانت مليئة بالأحداث المهمة.
شهدت حلقة الأمس قتل مهجة "صبا مبارك" على يد الريس حربى "عمرو عبدالجليل" أمام زوجها طايع "عمرو يوسف"، ووالدها العمدة، بعد أن نجح حربى وأولاده فى الإمساك بمهجة قبل أن تهرب إلى ليبيا.
وتفاعل النشطاء مع الهاشتاج بشكل كبير، وبأكثر من 11 ألف تغريدة، معبرين عن إعجابهم بالمسلسل وحزنهم لموت مهجة فى حلقة الأمس.
قالت رنا: "أنا عارفة إن دا مسلسل ودا تمثيل بس أنا هقعد أعيط خمستاشر ساعة مثلًا"
وعلقت أروى الشهيدى: "عمرو عبدالجليل فاضله شوية ويوصل لليفيل محمود المليجي، والله مزيج من الشر والبلطجة والكوميديا والضعف والحنية"
وأضاف أحمد البدرى: "أنا بعمل وقفة مع نفسى وأنا بتفرج على طايع كل خمس دقايق، وأقول لنفسي بس ياحبيبي ده تمثيل مش حقيقى، قولونك يابابا حرام عليك نفسك أنت كبرت على الكلام ده، طب خلاص متزعلش هنودى
مهجة روما شكرًا يا جماعة والله كنت قربت أنسى الإحساس ده"
وقال عبدالرحيم حسن: "مشهد حربي وهو بيحكي لمهجة عن سماح بنته، من أقوى المشاهد في تاريخ الدراما"
وأشارت منة: "يالهوي على تمثيل صبا مبارك في مشهد وطايع بيسيبها ده يخربيتك "
استطردت سماح القصبى: "هو إيه اللى عملتوه دا؟ المسلسل بيتفجر... ذنب أمى اللى قعدت تعيط على موت مهجة دى ف رقبتك يا عمرو يا سلامة، أنت وكل آل دياب، والله حرام، أنا مزعلتش على موت حد كدا قبل كدا"
وكتبت حنان حسنى: "ما هو لو ما اخدتش حق مهجة وفواز أنا هاجى بنفسى أقتل حربي. إيه حرقة الدم دى"