أبرزها تامريناكيس بتاع غمره وحركة 6 إغريق

ثورة يونانية ب"القفشات" المصرية

"اللى لسه صاحي من النوم أحب أقوله إن اليونان حصل فيها ثورة على السريع كده.. بدأوا الساعة 2 وخلصوا على الفجر.. وتم حرق عدد 2 قصر رئاسي و27 مبنى حكومي و1 برلمان و8 مباني اخرى ولا يوجد أي قتلى.. غلابة معندهمش خرطوش".
يبدو أنه فجأة وبدون سابق إنذار اكتشف رواد الفيس بوك وتويتر أنه لايوجد فرق بين المواطن المصري واليوناني إلا أن هذا حسين وذاك خريستو.
ليتفاعل الشباب الفيس بوكي والتويتري مع تصاعد الأحداث واحتجاج شعب اليونان على موافقة البرلمان اليوناني على إجراءات التقشف، واحتلالهم مساء أمس بعض المؤسسات الحيوية في اليونان وتواجد مجموعة من مثيري الشغب في شوارع أثينا وتصدي القوات الأمنية لهم بالغاز المسيل للدموع دون سقوط قتلى من الجانبين.
وكعادة المصريين انفجر ساخرا لنجد هذا الكم الهائل من التعليقات التي عقدوا من خلالها عدة مقارنات بين المواطن المصري واليوناني، لنجد وأنه بعد أحداث بورسعيد الأليمة التي أصابت أغلب أصحاب الكلمة الساخرة في مقل، ظهر 85 مليون تلميذ لعملاق الكلمة الساخرة الراحل جلال عامر رحمه الله.
ومن أبرز التعليقات:
رئيس وزراء اليونان يحذر البرلمان: إما خطة التقشف أو الفوضى..
داعية يوناني: أنا من هنا بقول لمبارك.. ياواد يا مُلهم.
خبيبي خاريستو أوعا المسير ييجي يقولك أنا أخمي الثورة.
عاجل || ا.ف. اليونان | الجنرال كوستا الرويني: حركة سكس أبريل اليونانيه تلقت تدريبات في إسكندريه... تحت كوبري ستانلي.
التليفزيون الإغريقي: مفيش مظاهرات ولا حاجة والدخان اللى فى الصورة دى بسبب اللحمه اللى بيشويها المواطنون الشرفاء.
عاجل || من التليفزيون الاغريقى الى المتظاهرين فى ميدان التحريريوس برجاء مغادرة الميدان فورا هناك اشخاص متوجهين الى الميدان بالمنجانيق لحرقكم
نصائح مننا لليونانيين.. طوبتك ف ايدك، كمامتك فى وشك، خميرتك في جيبك.. واللي يقولك المجلس العسكري هيحمي الثورة قطع أمه.
دلوقتي يطلع واحد من بتوع المخططات يقولك اللي ورا أحداث اليونان حركة 6 إغريق.
المجلس العسكري اليونانى يتهم حركة 6 أغريق بتلقيها معونات مصرية.
الطرف الثالث جاله عقد إحتراف في اليونان.
عاجل أحد المواطنين الشرفاء اليونانيين: اللى بيحصل في اليونان مؤامرة وكل واحد من الثوار بياخد وجبه فول وطعميه من الشبراوى المصرى وخمسه جنيه .
إتضح أيضا هناك خطة أمريكية إسرائيلية لتقسيم اليونان لأربع دول أرسطوية + أفلاطونيه + خرسيتويه + أوناسيستيه.. وقد صرح بهذا المطرب اليوناني عوميرو موصطافيوني.
المطرب حمادوس هلالوس: شهداء اليونان ماتو في أحداث اليونان.
رئيس الوزراء اليوناني كوستنتين شفيقس يعلن أنه سيحمي المتظاهرين بحياته وسيرسل لهم البونبوني.
إحذروا من جماعة الإخوانوس الجريجوس..يومين وهيقولوا ليكم إحنا كنا معاكم...وبعدين هيقولوا عليكم بلطجية.
الدكتور عوكاشيوس يسأل البرادعينوس ... لو عرفت غصن الزيتون فيه كام زتونه حنتخبك رئيس اليونان.
عارفين أحلى حاجة في اليونان إيه؟.. إن مفيش مسئول هيطلع يقول عناصر أجنبية لأن اليونانيين اصلاً اجانب.
الفنانة اليونانية برادوسا تطالب بوقف الاحتجاجات فورا وتؤكد بأن إبن أختها يشتهي بيتزا عم ماركايز ولكن مطعمه مغلق بسبب الثورة.
أنباء عن أن مصر ستستكمل ثورتها بعد إنتقال الطرف الثالث إلى اليونان..قولوا يااااااااااااارب.
يعني إيه كوك زيرو؟ يعني بعد كل المؤامرات الصهيونية الماسونية الأناركية لحرق مصر، اليونان هي اللي تولع.
خبر عاجل| الرئيس اليونانى..لم أكن أنتوي الترشح لفترة رئاسية جديدة.. ولم أكن فى يوم طالب جاه أو سلطة.
المشير طنطونيوس يرأس المجلسوس العسكريوس اليوناني.
جماعة إحنا آسفين يا خرستو تعلن دعمها الكامل للريس.
عاجل أنباء عن إعتقال الناشط السياسى وائلس غنيموس مؤسس صفحة كلنا انطنيوس سعيدوس.
الحاج عبد المنعم اليونانى: الخروج على الحاكم اليونانى حرام شرعاً.
الحكومة اليونانية تتهم حركة 6 اغريق والاشتراكيون الفينيقيون وحركة كفايونى بزعزعة أمن وإستقرار اليونان.
بيرجوس من اسبرطة للقناة الأولى اليونانية: كانوا بيوزعوا شلنات وبرايز ووجبات فول وطعمية وكشري..وبيتكلموا أرابيك لانجويتش كويس جداً..لالالالا مش احنا..مش احنا والله
ايرخل يعنى ايمشي يلى مبتفخمشي.
أنباء عن إندساس عناصر مصرية في أثينا بتفرق عالثوار رغيف كفتة وخمسة وعشرين جنيه.
وزير الداخلية اليوناني أبراماكيس إيساويكس: لا علاقة لي بالداخلية من يوم السبت مساء والفنجريوس وبدينيكس هم المسؤولين.
نداء عاجل للسيد الراجل اللي ورا عمر سليمان عندك طلعه لليونان.
منصوروس عيسويس: إحنا معندنوش قناصوس.
حزب الكنبوس يدعو الي مسيرة تأيد للمجلسوس العسكريوس في ميدانوس العباسيوس.
حزب الكنبوس اليوناني ...ايه اللي مودي اليونانين عند وزاره الداخليه "هرام عليكو خربتو البلدوس".
الفنانة عفافوس شعيبوس تستغيث ولاد أخويا كوستا مش لاقيين ريش وكبابوس وبيتزوس وبيعيطوا.
عاجل: أكد الفنان اليونانى طلعتيوس زكريوس تناول المتظاهرين اليونانيين للمخدرات والخمور.
يونانى.. قصدك تقول إنت نانى.. يعنى مانشستر يعنى برتغال يعنى كولمبوس يعنى عميل لأمريكا.. لا يا عدوى أنا فاهمك كويس!
الحكومه اليونانيه تطلب من مصر الإستعانه بخيري رمضان ولميس الحديدي لتحديد أماكن الحرائق القادمة.
عاجل| مطلوب بيتادين وقطن وشاش وكمامات وتبرع بالدم بالمستشفى الميداني بميدان الإغريق في أثينا البلد.
ظهور بعض الاغريقين يقولون خرام أليكوو هتقسموا اليونان هو ده اللى اسكوتلندا عاوزاه.
صفحة كلنا كوستا سعيد تدعو اليونانيون للتظاهر السلمي غدا عند الاكروبولس اتجاها للتحريريوس
بعد دخلة الزمالك اليونانية فى ماتش الاسماعيلي .. أثينا عاصمة اليونان أحترقت بالامس.. الزمالك الراعي الرسمي للثورات
عيش .. حرية.. عداله إجتماعية ..كرامه انسانية.. ψωμί.. Ελευθερία .Κοινωνική δικαιοσύνη.. Ανθρώπινη αξιοπρέπεια
تامريناكيس بتاع غمره من اثينا: أنا سمعتهم بيتكلمو جريجي لانجويش كويس وبيوزعو دراخمات ويورو..
اااه ياليوناااان .. كنتى فين من زمان
بعد كام يوم هتحصل موقعة التنين
المكتبة الوطنية بتتحرق.. وإنقاذ كتاب وصف اليونان