"خالد سعيد" تصنف "كارهى" الثورة

وضعت صفحة "خالد سعيد" 3 تصنيفات لمن يكرهون ثورة 25 يناير, وهم الذين يطالبون بعودة الرئيس المخلوع حسنى مبارك, والذين يعتقدون أن الشعب المصرى لا يستحق الديمقراطية التى تنادى بها الثورة, والذين يرفضون مبدأ العدالة الاجتماعية خوفا على أغنياء الدولة.
وأكدت الصفحة أن فكرة كراهية الشعب للثورة ليست مفهوما دقيقا وغير حقيقى ويحتاج إلى توضيح شديد، مضيفة أن الناس لم تكره الثورة إنما تكره تصرفات وأفعال المحسوبين عليها.
وتقول الصفحة: "فكرة أن الناس كرهت الثورة فكرة بعضنا بيقولها بدون تدقيق ..الناس مش بتكره الثورة، الناس بتكره تصرفات وأفعال المحسوبين عليها واللى بتتنشر فى وسائل الإعلام.. جزء مهم فى الثورة أن أغلب من شاركوا فيها نقلوا للمصريين صورة حضارية فى ميدان التحرير لمصر المستقبل, اللى كل المصريين فيها قادرين على تجاوز خلافاتهم واختلافاتهم والاتحاد على هدف ودفع تمن تحقيقه مهما كان الثمن غاليا ..بلاش نردد فكرة كراهية الناس للثورة لأنها غير حقيقية، واللى بيكره الثورة هو اللى بيقول إنه نفسه حسنى مبارك يرجع تانى عشان ابنه يورث حكم مصر، أو بيقول إن الشعب المصرى لا يستحق الديمقراطية اللى نالها بعد الثورة وأحقيته فى اختيار من يمثله، أو بيقول إن مفهوم العدالة الاجتماعية مفهوم مرفوض لأنه هيؤثر على ثروات الأغنياء, غير كده يبقى الناس مش بتكره الثورة... هى بتكره بعض المحسوبين عليها بس".