بالفيديو.. قائد الطائرة المختطفة: الخاطف كان مسالم وعزمناه على شاي وعصير

قال الكابتن عمرو الجمال قائد الطائرة المختطفة، إن منظومة الطيران في مصر ناجحة، وليس كما يعتقد الكثيرون، فما حدث كان طبيعيا.
وتابع خلال اتصال هاتفي مع الإعلامية "ريهام السهلي" ببرنامج "أنا مصر" المذاع على الفضائية المصرية الأولى: "الحمد لله أننا قدرنا نتفاوض مع الخاطف، وننزل الركاب كلهم، يعني أنا كل شوية ببعتله رسالة من خلال الطاقم، اللي ساعدني جدًا، الأول فاوضته على النساء والأطفال، وبعدين قالي نزل كل المصريين وسيب الأجانب، وبعدين طيب نزل طاقم الطيارة وسيب الأجانب، لحد ما الحمد لله عملنا إخلاء للطيارة".
وأضاف "مكنش ينفع أسيب كبينة القيادة، ولا كان هينفع أسمح له أنه يدخل، يعني لا أنا طلعت من مكاني ولا دخل، ومكنش ينفع أصلا كانت هتبقى مشكلة".
وقال "الراجل كان مسالم جدًا، وعزمناه على شاي وعصير، وكان بيسمع كلامنا في كل حاجة، معرفش بقى كان بيسايرنا، ولا هو كان مضطرب .. اداني ظرف فيه 6 ورقات واديته للسلطات في قبرص، وأنه عضو في جماعة التحرر الديمقراطي، وأنه ضد الانقلاب وبيطالب بالإفراج عن بعض المساجين، وأنه يقابل واحدة ست في قبرص، لكن هي مجتش".
الفيديو..