فيديو.. عمرو أديب يبكي على الهواء أثناء حديثه عن شهداء "الصفا" بالعريش

بكى الإعلامي عمرو أديب، خلال حديثه عن شهداء كمين "الصفا" بالعريش، ورغبة الجنود المصابين في العودة للخدمة مرة أخرى، على رغم ما عانوه أثناء تأدية واجبهم في شمال سيناء.
وقال خلال برنامجه "القاهرة اليوم"، المعروض على فضائية "اليوم"، "الناس دي مستنية تشوف الوطن بيتحول لأي حلم يعني، الشهيد وهو بيموت بيقول يا جماعة خدوا بحقي".
وتابع: "وواحد تاني مصاب عنده استعداد يتجند تاني، الشعب ده مصنوع من إيه.. صلب بلاتين ذهب، إيه أغلى وأقوى معدن في العالم، وساعات تاني كتير نجلد نفسنا ونقول إننا مش كويسين".
وأضاف: "ساعات بقول يارب البلد تبقى في حرب على طول لأنها بتطلع أحسن وأقوى ما فينا، تخرس كل الألسنة والمزيدات، ويبدأ مرة أخرى يطلع معدن المصري الأصيل، ثأر المصري في التدريب الجاد والتكنولوجيا والتقدم والعمل الجاد، وأنه يوفر المال علشان جيشه يبقى عنده أحدث المعدات".
وبكى قائلًا "الظابط بتاعنا بيفك القنبلة بإيديه الاتنين، بيتشاهد ويفكها، شفت كتير منهم إيدهم طايرة علشانك، طيب أنت ناوي تحول غضبك لأيه، المفروض إنجاز في قانون المحاكمات، أم الشهيد أما تسألنا عن ابنها، نقولها إيه لسه بنأكلهم بط في السجن..؟".
شاهد الفيديو..