بالفيديو.. سيد علي ل "لميس جابر": بصي لنفسك في المراية قبل ما تهاجمينا

شن الإعلامي سيد علي هجومًا حادًا على الكاتبة والنائبة البرلمانية لميس جابر، بعد تصريحاتها الأخيرة حول "نواب البرلمان والإعلام".
وقال خلال برنامجه "حضرة المواطن" المذاع على فضائية "العاصمة"، "الدكتورة لميس بتقول الإعلامي بقى زعيم سياسي، طب وانتي يا دكتورة بقيتي إيه ما انتى كاتبة وبقيتي زعيمة سياسية".
وتابع، "هو حضرتك مش كاتبة بردوا، وبعدين انتوا حاطين التوك شو في دماغكوا ليه..؟، وبعدين هي اسمها كده يعني مش نشرة أخبار ولا دعوة للحوار".
وأضاف "لو انتوا عايزين نقول نشرة أخبار ميبقاش توك شو، ما هو يا أما بتفهموا أو مبتفهموش، واتمنى اللي بيتكلم في البلد عن الإعلام يسال نفسه سؤال ويبص لنفسه في المرايا، هو أنا لولا الإعلام كان حد في الشارع عرفني أساسًا، الإعلام له فضل على كل واحد في مصر، ولولاه كنتوا هتبقوا نسيًا منسيًا".
واستطرد قائلاً "إحنا اللي بندفع التمن وبنعمل منكوا نجوم، لولا الإعلام ولا حد منكم كان هيبقى له جمهور، إحنا اللي صنعناكوا".
شاهد الفيديو..