"الفيسبوك" يداوي جراح "عشرينية أبو خرطوشة" بطريقته الخاصة

"التغيير" ترصد احتفالات موقع التواصل الاجتماعي

انتشرت اليوم عبر صفحات موقع التواصل الاجتماعي "فيس بوك" العديد من التعليقات والرسائل الساخرة التي بعث بها شباب العالم الإفتراضي تهكما على مليونية الرابع والعشرين من أغسطس التي دعا إليها الإعلامي توفيق عكاشة وعضو مجلس الشعب السابق محمد أبو حامد بمشاركة بعض القوى والتيارات السياسية.
وجاءت التعليقات الساخرة متواكبة مع الظروف الصعبة التي حاقت بالمليونية، من تأخر نزول أنصارها وقلة أعدادهم ، وغياب الحماس الذي لطالما كان موقدا إبان الدعوات إليها ، الأمر الذي أثار سخرية المعارضين لتلك المليونية.
ورصدت صحيفة "التغيير" بحصر لأفضل التعليقات الساخرة:
خبر عاجل: تقرر نقل المظاهرات إلى شقة أحد المتظاهرين .. منقول
هى فين المليونيه أصلا دى ناس مستنيه ميكروباص العاشر ولا يمكن الاخوان سربوا بودرة العفريت لاخفاء المتظاهرين
"يا جماعة بطلو هزار بقا اللي مخبي الثورة والثوار يطلعهم ايه الملل ده"
"كان نفسنا نشارك في ثورة 24 أغسطس بس قالوا إن ابوحامد و سبايدر عاملينها ع الضيق !!"
"ثورة 24 اغسطس اول ثورة سرية فى التاريخ"
"شعار ثورة 24 اغسطس.. استعينوا على قضاء حوائجم بالكتمان"
"حد يصحيهم علشان راحت عليهم نومه"
"هي الزورة هتتذاع على ايه قناة يا جدعان وهتيجي الساعة كامم؟ نفسي اشوفها لايف اصلي مش باستمتع بالاعادة"
"الثوار الان ... لا اله الا الله الاخوان أعداء الله .. عددهم تخطي العشرة وكده ممكن نقلق"
"اتمنى من اخوانى فى جماعة الاخوان المسلمين عدم السخريه من مظاهرات اليوم كما كان النظام القديم يسخر من المتظاهرين ويقلل من شأنهم .. فلننتظر ... فالعدد فى ازدياد.. والحشد سيكبر ... بيقولو فى ميكروباص طالع من الغربيه فيه 14 نفر"
"ثوار ابو حامد يرفعون صور الكائن العكش والكائن الفريق فشيق امام المنصة .. وتأخر نزول فاطمة ناعوت عشان بتعمل شعرها عند الكوافير"
"بيان الثورة رقم 1 : قررنا تأخير المظاهرات لبعد غروب الشمس حفاظا على " الميك اب" .
"الإعلام من كتر ما الاعداد قليلة مش عارف يهول"
"هي المظاهرة اتأخرت ليه ؟! .. يارب جيب "العوالم" سليمة"
"ثورة اشباح .. افلول اعفاريت"
"العساكر اللى واقفين قدام القصر رجليهم نملت من الوقفه ومفيش واحد راح هناك"
"اصحى يا أبو حامد .. الساعة بقت 11 .. قوم عندك ثورة "
"اعتقد النهارده لو الشرطة حبت تشتبك وتفض اللى نازلين هتحدف عليهم صواريخ صفرا من بتاعه العيد"
"ياريت اللي يشوف ثورة معدية يبلغني"
"تأجيل مليونية 24 أغسطس ليوم 13 - 13 - 2013 القادم "
"طيب يمكن احنا فهمنا غلط والنهاردة اعتصام فى البيوت مش ثورة فى الشوارع؟!!!
"ثورة_الفلول عااااااااااااااااااااااااااااجل: الشرطه تقذف اكياس شيبسى بالشطه والليمون لتفريق المتظاهرين"
"وضوع المظاهرة مينفعش يتاخد بالاستخفاف اللي انا شايفه ده"
"اصبروا لحد ما الهام شاهين وغادة عبد الرازق ينزلوا.. المنصة هاتولع"
"أبو حامد في بيان للأمة .. " البعتة ديه اتصورت .. تحبوا نذيع ؟! "
"مليونيه دى ولا مش مليونية يامتعلمين يابتوع المدارس"
"يا جدعان حد يتصل بمدام عفاف شعيب تلحق تجيب بيتزا وريش للمفجوع ابن اخوها قبل الثوره ما تبدأ "
"تيجوا نعمل عليهم موقعة جمل و نبقى خالصين ؟"
"عدد الافيهات و النكت على خمسينية النهاردة اكتر من عدد اللى نزلوا فيها"
"الثوار جايين عن طريق البحر....كله يخلي باله...جري على الكورنيش"
"بيقولك مرة الجيش والشرطة نزلوا يحموا المظاهرات ... قام المتظاهرين ماجوش"
"طويب، الوضع لو إستمر كدا أناشد شباب الثورة والإخوان ننزل بعد العصر ننقذ سمعة التظاهر السلمي. ونهتف بأي حاجة حتى لو عودة شحاتة للزمالك"
"متقلقوش من الاعداد القليلة ,, اصل بتوع المنصة مش بيحبو ينزلو غير لما الجو يطري علشان يعرفو يتمتعو كويس بالالتحام الشعبي الشريف"
"‎9 افراد يحاصرون قصر الرئاسه وحماده هلال يغني شهداء 24 اغسطس ماتوا قبل احداث اغسطس ماتوا و فارقوا الحياة"
"الباً ميعاد 24 اغسطس ده كمين.. اليوم الصح هو 32 اغسطس"
"ده لو واحد رايح يطلب ايد واحده , بيروح معاه ناس اكتر من اللى راحوا يعملوا ثورة دول"
"مصااارد : أبناء عن خروج احمد سبايدر من الكوافير بعد إعادة ظبط الميك آب وهو الأن يتوجهه الى المنصه وحواله ما لا يقل عن 15 شخصاً من محبيه ومؤيديه."
"سترك يارب .. عربيات الاسعاف اكتر من متظاهري المنصه .. انا خايف على مصر قوي"