المواطنون أمام مجمع التحرير يصرخون: من يحمينا من "البلطجة"

عبّر محب الدين علي، أحد المواطنين، عن غضبه لما يحدث من إغلاق المجمع قائلا:"والله العظيم اللي بيحصل ده مسخرة لما شوية بلطجية يتحكموا في مصالح الناس.. أنا جاي من القليوبية لاستخراج شهادة وفاة لأخي ولما جيت عرفت إن المجمع اتقفل تاني.. فين الداخلية ساكتة على البلطجية دول ليه".
وطالب علي حسين، أحد المواطنين، بتدخل الجيش لعدم تعطيل مصالح المواطنين، وأضاف قائلاً: "إحنا ذنبنا أيه كل يوم في الخراب ده ومفيش حد بيقف في وشهم حسبنا الله ونعم الوكيل".
وعلى جانب آخر، رفض أصحاب المحال دعوات العصيان أو المشاركة فيه، وقال إسلام السيد أحمد، أحد أصحاب المحال بشارع طلعت حرب بوسط البلد: "نحن غير راضين عن دعوات العصيان، ولن نشارك فيه"، مضيفًا: "إحنا ناس بتجري على رزقها واللي بيدعوا للعصيان دول عيال بلطجية".
وقال محمد عبد الستار، صاحب محل: "عصيان أيه وكلام فارغ أيه هي البلد ناقصة دا احنا اقتصادنا بيوقع نقوم إحنا نساهم في الخراب".
ويقول عيد علي، صاحب محل: "قفل المحال عندنا زي فتحها.. النتيجة واحدة منهم لله اللي في التحرير، وقفوا حالنا".
وكان عشرات من الملثمين قد اقتحموا صباح اليوم الأحد، مجمع التحرير، وقاموا بإغلاقه بالحواجز الحديدية، تنفيذًا لما وصفوه بالعصيان المدني الذي دعا إليه عدد من القوى السياسية المعارضة بدءًا من اليوم، لمساندة أهالي بورسعيد في عصيانهم، والمطالبة بإسقاط النظام، ورحيل الرئيس محمد مرسى وحكومة الدكتور هشام قنديل، وإقالة النائب العام وتعديل المواد المختلف عليها في الدستور.
ووقعت اشتباكات بين المواطنين الوافدين على المجمع من أصحاب المصالح، وبين الملثمين الذين أغلقوا المجمع، وقاموا بطرد المواطنين تحت تهديد السلاح الأبيض والجنازير، ما تسبب في حالة من الهرج والرعب بين المواطنين والموظفين.
وهدد المخربون بأنهم سيقوموا بالتصعيد مساء اليوم، من خلال إيقاف حركة مترو الأنفاق ومحاصرة محافظة القاهرة والجيزة وقطع كوبري أكتوبر وقصر النيل، ومحاصرة مبنى البورصة لوقف التعاملات، مؤكدًا أن غدًا سيكون هناك تصعيد غير مسبوق من جانب الثوار في جميع المحافظات وقطع السكك الحديدية.
الموقع غير مسئول قانونا عن التعليقات المنشورة
التعليقات
صابر
الأحد, 24 فبراير 2013 - 06:50 pm
قولوا للريس
المفروض في المور دي يبدا النظام باستقطاب هؤلاء البلطجيه اما فريدي او جماعات ويبدا في وعود بعضهم بالماده او بالعمل او باي شيء بحيث ينقسموا وبعدها يستطيع ان يفرض الهدؤ ولكن الرئاسه والمؤسسه الرئاسيه والمساعدين والوزاره والوزراء ودن من طين وودن من عجين وغباء ما ورد علي حد اعوذ بالله منكم جميعا طيب القرضاوي طلب من الشعب ينزل الميدان ويطرد منه المشاغبين هل فيه حد اتحرك ابدا كل واحد خايف علي روحه وانشالله البلد تخرب طيب فين بتوع الجهاد مفيش اهو كلام وسيبوا مرسي يصفق لوحده ومش عارف ها يعمل ايه يا عيني عليه يالله ياعمي مرسي اطلب من الاسايطه واحنا نيجي نطهرلك مصر كلها من الكلاب الضاله دي بس احنا مش بنتعامل لا بالعصي ولا السكاكين احنا كل واحد نديه ملوه الي والبلد تنضف