الأهلى غلّب يا أمال

الشيخ تركى ده الراعى الحقيقى للأهلى ولولاه لا هياخد دورى ولا كأس ويمكن ينزل درجة تانية ويرجع لأيام ما كان يتغلب من اسكو ومن الترام ويدور على حكم يعطف عليه عشان يكسب !.
فمن خلال زكيبة الفلوس اللى مع الشيخ السعودى يقدر يشترى أجدعها لاعب، ولاعب من هنا وحريف من هناك يفرغ الأندية المنافسة من ناحية، ويخلى فى الأهلى أحسن لّعيبة يقدر يكسب بهم أى بطولة .. ومش مهم يخرب الكره ويهدد الأندية الغلابة أو الأندية اللى بيستحل رئيسها التلاعب فى فلوسها دون حساب على فارق تغيير العملة، ومش مهم الأهلى يطلّع أشبال ،أو يرجع زمن عبد البقال لما كان بيدور فى القرى والنجوع ويلاقى موهبة ويراعاها كل ده مش مهم فبدال البقال الشيخ دليفرى بمباركة رئيس النادى وطبيعى ينوله من الحب جانب !.
ولأن الشيخ بيرعى نادى بيشجعه ملايين ياكلوا الظلط .. هتعمل إيه أمال غير إنها تتفرج على الإعلان بتاع زمان